Health Tips : 'या' चांगल्या सवयींचा तुमच्या दैनंदिन जीवनात करा समावेश! कुठलाच आजार तुमच्या जवळ नाही येणार

Health Tips : तुम्हालाही तुमचे शरीर मजबूत आणि निरोगी ठेवायचे असेल, तर तुमची रोगप्रतिकारक शक्ती मजबूत करणाऱ्या सवयींचा अवलंब करावा.

Health Tips Marathi News

Health Tips : आजारी पडल्यावर लोक अनेकदा डॉक्टरांकडे धाव घेतात. पण तुम्हाला हे माहीत आहे का? की लोक त्यांच्या निष्काळजीपणामुळे आजारी पडतात. रोगप्रतिकारक शक्ती कमकुवत असल्यामुळे अनेक आजारांचे शरीरावर आक्रमण करतात. अशातच, जर तुम्हाला निरोगी जीवन जगायचे असेल आणि पुन्हा पुन्हा आजारी पडू नये, असं वाटत असेल तर तुम्हाला तुमची रोगप्रतिकारक शक्ती मजबूत आणि चांगली बनवावी लागेल. आपल्या दैनंदिन दिनचर्येत कोणत्या सवयींचा समावेश केल्यास आपली रोगप्रतिकारक शक्ती मजबूत होईल. हे जाणून घेऊयात...
 
चांगल्या सवयींमुळे रोगप्रतिकारशक्ती वाढते
 
व्हिटॅमिन सी पदार्थ
व्हिटॅमिन सी शरीराची रोगप्रतिकारशक्ती मजबूत ठेवण्यासाठी मोठी भूमिका बजावते. जर तुमच्या आहारात व्हिटॅमिन सीची कमतरता असेल तर तुमची रोगप्रतिकारक शक्ती कमकुवत राहील. बाहेरील रोगजंतू शरीरावर वारंवार आक्रमण करत राहतील. यासाठी आपल्या रोजच्या आहारात संत्री, लिंबू, आवळा, अननस, फ्लॉवर, कोबी आणि रताळे या व्हिटॅमिन सी समृद्ध पदार्थांचा समावेश करणे आवश्यक आहे.

 
रोग प्रतिकारशक्ती वाढवणारा काढा प्या
तुमची प्रतिकारशक्ती वाढवण्यासाठी, तुम्ही हर्बल ज्यूस पिऊ शकता, ज्याला सामान्यतः इम्युनिटी बूस्टर काढा म्हणतात. हळद, आवळा आणि आले यांचा हा रस खूप शक्तिशाली आहे. यासाठी, कच्चा आवळ्याचा रस, हळद आणि आले असे सर्वकाही मिसळा. आता त्याचा रस काढून त्यात काळे मीठ आणि काळी मिरी टाकून रोज प्यायल्यास खूप फायदा होईल.

 
आलं- लसूण शरीराला मजबूत करेल
तुमच्या दैनंदिन आहारात लसूण आणि आले यांसारखे रोगप्रतिकारक शक्ती मजबूत करणाऱ्या पदार्थांचा आहारात समावेश करा. त्यांच्या रोजच्या सेवनाने तुमचे शरीर बाह्य रोगांशी लढण्यासाठी मजबूत होईल. या दोन्ही गोष्टी तुम्ही भाज्यांमध्ये घालू शकता. तुम्ही लसूण कच्चा चघळून आल्याचा रस पिऊ शकता.
 

मुळा खा
हिवाळा येताच तुम्ही मुळा खाण्यास सुरुवात करा, ज्यामुळे तुमच्या आरोग्याला खूप फायदा होईल. ज्या लोकांना नाक बंद, सायनस, मायग्रेन सारख्या समस्या आहेत, अशा लोकांना मुळ्याचा रस प्यायल्याने खूप फायदा होतो.
 

फायदेशीर बिया
सूर्यफुलाच्या बिया, सब्जाच्या बिया इत्यादींसारख्या रोग प्रतिकारशक्ती वाढवणाऱ्या बियांचा आहारात समावेश केल्यास तुमचे शरीर मजबूत होईल. याशिवाय पालक, बाजरी, गाजर आणि ब्रोकोली यांसारखे पदार्थही तुमच्या शरीराला खूप ताकद देतात.

 

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. या लेखात नमूद केलेल्या पद्धती आणि सूचनांचे अनुसरण करण्यापूर्वी, डॉक्टर किंवा संबंधित तज्ञाचा सल्ला घ्या.

 

इतर महत्त्वाच्या बातम्या