Health : झिका व्हायरसचा वाढतोय प्रसार, 'ही' रोपं म्हणजे डासांपासून सुरक्षा करणारे रक्षकच जणू! आजच लावा..

Health : पावसाळ्यात डासांची संख्या वाढते आणि रोगराई पसरते. त्यामुळे मलेरिया, डेंग्यूसारखे घातक आजार झपाट्याने पसरू लागतात. डासांपासून सुरक्षा करणाऱ्या काही मॉस्किटो रिपेलेंट प्लांट्सबद्दल जाणून घ्या

Health lifestyle marathi news Mosquito Repellent Plants

Health : पुण्यात झिका व्हायरसचे रुग्ण आढळल्याने एकच खळबळ उडाली होती, यानंतर आरोग्य यंत्रणा खडबडून जागी झालीय. या व्हायरस पासून बचावासाठी आरोग्य विभागाने उपाययोजनाही केल्या आहेत. तसं पाहायला गेलं तर, पावसाळा सुरू होताच डासांची दहशत वाढते. ज्यामुळे मलेरिया, डेंग्यू आणि आता झिका व्हायरस असे साथीचे आजार डोकं वर काढतात. या आजारापासून बचावासाठी आज आम्ही तुम्हाला अशाच काही वनस्पतींबद्दल सांगणार आहोत, ज्यांचा सुगंध डासांना अजिबात आवडत नाही. ज्यामुळे डास घरांपासून दूर पळतात, जवळ येत नाहीत. जाणून घेऊया या मॉस्किटो रिपेलेंट प्लांट्सबद्दल...

 

'अशा' वनस्पती ज्या डासांपासून ठेवतील दूर

पावसामुळे साचलेल्या पाण्यामुळे डासांची पैदास सुरू होते, त्यामुळे मलेरिया, डेंग्यू आणि चिकनगुनियाचा धोका मोठ्या प्रमाणात वाढतो. हे घातक आजार झपाट्याने पसरू लागतात. त्यासाठी त्यांना नियंत्रित करणे आणि त्यांना आपल्या घराभोवती वाढण्यापासून रोखणे फार महत्वाचे आहे. आरोग्य तज्ज्ञ सांगतात, स्वच्छतेसोबतच काही वनस्पतींच्या मदतीने डासांनाही दूर ठेवता येते. त्यामुळे आपल्या घराभोवती डास जमा होण्यापासून रोखले जाते, आणि या आजारांपासून बचावही होऊ शकतो. काही मॉस्किटो रिपेलेंट प्लांट्सबद्दल जाणून घ्या. जे तुमच्या घरापासून डासांना दूर ठेवतील.

रोजमेरी

केसांची निगा राखण्यासाठी किंवा जेवणात आपण रोजमेरी वापरतो. याच्या तीक्ष्ण वासामुळे वनस्पतीपासून डास पळून जातात. तसेच या रोपांची काळजी घेणे देखील खूप सोपे आहे. म्हणून तुम्ही तुमच्या घरी कंटेनर किंवा भांड्यात सहजपणे वाढवू शकता.

लॅव्हेंडर

आपल्याला लॅव्हेंडरचा सुगंध जितका आवडतो, तितकाच तो डासांनाही अप्रिय वाटतो. ते त्याच्या वासापासून दूर पळतात. त्यामुळे हे रोप तुमच्या घराभोवती किंवा खिडकीजवळ लावल्याने डास तुमच्या घरापासून दूर राहतील. याशिवाय, त्याचा सुगंध तुम्हाला चांगली झोप घेण्यास मदत करेल.

लेमन ग्रास

डासांना आंबट वास आवडत नाही. म्हणूनच ते लेमन ग्रासपासूनही दूर पळतात. या वनस्पतीचा वास किंचित लिंबासारखा आहे. त्यामुळे कीटक त्यापासून दूर राहतात. तुम्ही ते तुमच्या घराच्या बाहेर लावू शकता, जेणेकरून डास जवळपास जमणार नाहीत.

 

झेंडू

झेंडू ही वाढण्यास अतिशय सहज आढळणारी वनस्पती आहे. त्याची केशरी आणि पिवळी फुलेही दिसायला खूप सुंदर असतात. पण तुम्हाला माहीत आहे का की या वनस्पतीपासून डास पळून जातात. डासांना या फुलांचा वास आवडत नाही आणि ते त्यांच्यापासून दूर राहणे पसंत करतात. त्यामुळे ही झाडे घराजवळ लावल्यास डासांपासून मुक्ती मिळू शकते.

पुदीना

कॅटनीप कुठेही सहज वाढतो आणि खूप लवकर पसरतो. ही झाडे पुदीना कुटुंबातून येतात, त्यामुळे त्यांचा सुगंध डासांना दूर ठेवतो. त्यांची काळजी घेण्यासाठी फारसे कष्ट घ्यावे लागत नाहीत. त्यामुळे ही रोपे तुम्ही तुमच्या घराभोवती सहज लावू शकता. परंतु लक्षात ठेवा की, ही रोपं अगदी सहजपणे वाढतात आणि त्वरीत पसरतात.

 

हेही वाचा>>>

 

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )