![ABP Premium](https://cdn.abplive.com/imagebank/Premium-ad-Icon.png)
COVID Teeth : नाक, घशानंतर आता दातांमध्ये दिसणारी कोरोनाची गंभीर लक्षणे,' COVID Teeth बद्दल तज्ज्ञ काय सांगतात?
COVID Teeth : कोरोना हा प्रामुख्याने श्वसनाचा आजार आहे. परंतु अनेक लोक अशी लक्षणे देखील पाहत आहेत जे श्वसन प्रणालीच्या पलीकडे तोंडावर परिणाम करू शकतात.
![COVID Teeth : नाक, घशानंतर आता दातांमध्ये दिसणारी कोरोनाची गंभीर लक्षणे,' COVID Teeth बद्दल तज्ज्ञ काय सांगतात? covid teeth symptoms affect dental health Marathi News COVID Teeth : नाक, घशानंतर आता दातांमध्ये दिसणारी कोरोनाची गंभीर लक्षणे,' COVID Teeth बद्दल तज्ज्ञ काय सांगतात?](https://feeds.abplive.com/onecms/images/uploaded-images/2022/03/31/42f9e8614e1aabd45bf1ebd469769433_original.jpg?impolicy=abp_cdn&imwidth=1200&height=675)
COVID Teeth : भारतात जरी कोरोनाचे (Coronavirus) प्रमाण होत असले तरी जगभरात पुन्हा एकदा कोरोनाचा फैलाव वेगाने होत आहे. आशिया आणि युरोपमधील अनेक देशांमध्ये केसेसमध्ये सातत्याने वाढ होत आहे. ज्या वेगाने कोरोनाची रूपे बदलत आहेत, त्याच वेगाने त्याची लक्षणेही बदलत आहेत. आता फक्त ताप, खोकला किंवा घसादुखी ही त्याची लक्षणे राहिलेली नाहीत. अर्थात कोरोना हा प्रामुख्याने श्वसनाचा आजार आहे. परंतु अनेक लोक अशी लक्षणे देखील पाहत आहेत जे श्वसन प्रणालीच्या पलीकडे तोंडावर परिणाम करू शकतात. कोरोना फुफ्फुसाशिवाय शरीराच्या अनेक भागांवर हल्ला करत असल्याचं समोर येतंय. तज्ज्ञांचा असा विश्वास आहे की कोरोनामुळे दात आणि हिरड्यांवर परिणाम होत आहे आणि रुग्णांमध्ये त्याच्याशी संबंधित लक्षणे आढळून आली आहेत. तज्ज्ञ याला 'कोविड टीथ' म्हणत आहेत. कोरोनाच्या चौथ्या लाटेपूर्वी ही लक्षणे समजून घेणे आवश्यक आहे.
तोंड, दात आणि हिरड्यांमध्ये कोरोनाची लक्षणे?
एका अभ्यासात शास्त्रज्ञांना दातांचे आरोग्य आणि कोविड-19 ची लक्षणे यांच्यात संबंध आढळला आहे. शास्त्रज्ञांचा असा विश्वास आहे की कोरोना विषाणूचा दातांच्या आरोग्यावर परिणाम होऊ शकतो. कोरोनाने ग्रस्त असलेल्या 75 टक्के लोकांमध्ये दातांच्या समस्या दिसून आल्या.
दातांची समस्या हे कोरोनाचे मुख्य लक्षण आहे का?
कोरोनाच्या लक्षणांवरील 54 अभ्यासांच्या अहवालात असे दिसून आले आहे की कोरोनाच्या शीर्ष 12 लक्षणांमध्ये दातदुखी किंवा तोंडाशी संबंधित कोणतीही लक्षणे नव्हती. यामध्ये ताप (81.2 टक्के), खोकला (58.5 टक्के) आणि थकवा (38.5 टक्के) ही सर्वात सामान्य लक्षणे होती.
या लक्षणांकडे दुर्लक्ष करू नका
कोरोनाची अशी काही लक्षणे तुमच्या तोंडात किंवा हिरड्यांमध्ये दिसतात जेव्हा विषाणूचा दातांच्या आरोग्यावर परिणाम होतो. यामुळे तुम्हाला अनेक लक्षणे दिसू शकतात, जाणून घ्या
-हिरड्या दुखणे
-ताप
-सतत खोकला
-अति थकवा
-हिरड्यांमध्ये रक्त गोठणे
-जबडा किंवा दात दुखणे
कोविड दातांमुळे होणाऱ्या वेदनांवर उपचार
जर तुम्हाला कोरोनाच्या दरम्यान किंवा नंतर लगेच दातदुखी होत असेल तर, वेदना कमी करण्यासाठी 400 मिलीग्राम इबुप्रोफेन घेणे एसिटामिनोफेनपेक्षा अधिक प्रभावी असू शकते. कोणतेही औषध घेण्यापूर्वी डॉक्टरांचा सल्ला घ्या.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.)
संबंधित बातम्या
Maharashtra Corona Updates : निर्बंध मुक्तीची 'गुढी'; महाराष्ट्रातले कोरोनाचे सर्व निर्बंध हटवले
Mask : क्लीन अप मार्शलच्या 'मास्क वसुली'पासून नागरिकांना मुक्ती; राज्यात मास्कचा वापर आता ऐच्छिक
ना मास्कची सक्ती, ना कोरोनाचे निर्बंध, उद्यापासून महाराष्ट्रात काय काय बदलणार?
Check out below Health Tools-
Calculate Your Body Mass Index ( BMI )
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)