Health Tips : पॅनिक अॅटॅक आणि हार्ट अटॅक यामध्ये तुमचाही गोंधळ होतोय? सावध राहा, अन्यथा...
Health Tips : बरेच लोक पॅनिक अटॅकला हृदयविकाराचा झटका मानतात, जो धोकादायक असू शकतो.
Health Tips : पॅनिक अटॅकची अनेक लक्षणे हृदयविकाराच्या झटक्यासारखीच असतात, त्यामुळे लोक अनेकदा पॅनिक अॅटॅकला हार्ट अटॅक समजतात. जेव्हा पॅनिक अटॅक येतो तेव्हा हृदयाचे ठोके जलद होतात, श्वास घेण्यात अडचण येते, चक्कर येणे, शरीरात थरथरणे किंवा स्नायू दुखण्याच्या तक्रारी असतात. पॅनिक अटॅक कोणालाही कधीही होऊ शकतो. हे कोणत्याही बाह्य कारणामुळे होत नाही. पॅनिक अटॅकच्या बहुतेक प्रकरणांमध्ये, लोकांना असे वाटते की शरीरावर नियंत्रण नाही किंवा काही वेळा लोक हा हृदयविकाराचा झटका आहे असे मानतात. पॅनिक अटॅकची लक्षणे आणि त्यापासून बचाव करण्याचे उपाय कोणते हे जाणून घेऊयात.
पॅनिक अटॅक किती धोकादायक आहे?
आरोग्य तज्ज्ञांच्या मते, एखाद्या व्यक्तीला त्याच्या संपूर्ण आयुष्यात एक किंवा दोनदा पॅनिक अटॅक येऊ शकतो. साधारणपणे, पॅनिक अटॅक बरे होतात, परंतु डॉक्टरांना त्याबद्दल माहिती देणे आवश्यक आहे. जर एखाद्याला मानसिक आरोग्याशी संबंधित समस्यांचा सामना करावा लागत असेल तर पॅनिक अटॅक रुग्णासाठी धोकादायक ठरू शकतो.
पॅनिक अटॅक हार्ट अटॅकपेक्षा कसा वेगळा आहे?
पॅनिक अटॅकची बहुतेक लक्षणे हृदयविकाराच्या झटक्यासारखीच असतात, म्हणून लोक पॅनीक अटॅकला हार्ट अटॅक मानतात. पॅनिक अटॅक कोणत्याही चेतावणीशिवाय सुरू होतात, परंतु तो आल्यानंतर रुग्णाला खूप थकवा जाणवू शकतो. पॅनिक अटॅकमध्ये, हृदयविकाराच्या झटक्यांप्रमाणेच रक्तदाब वाढणे, वेगाने घाम येणे, मळमळ, छातीत दुखणे इत्यादी तक्रारी असू शकतात.
पॅनिक अटॅकची लक्षणे
- पॅनिक अटॅकच्या बहुतांश घटनांमध्ये रुग्णाला काही काळ आराम मिळतो. परंतु काही काळ आराम न मिळाल्यास आणि डॉक्टरांशी संपर्क न केल्यास ते धोकादायकही ठरू शकते. पॅनिक अटॅकच्या या लक्षणांवर विशेष लक्ष देण्याची गरज आहे
शरीरावर नियंत्रण नसणे - मृत्यूचा धोका
- हृदयाचे ठोके वेगाने वाढतात
- मळमळ होणे
- छाती दुखणे
- डोकेदुखीचा ताण
पॅनिक अटॅक टाळण्याचे मार्ग - तुम्हाला पॅनिक अटॅक आल्यास ताबडतोब डॉक्टरांशी संपर्क साधा.
- दैनंदिन दिनचर्या आणि खाण्याच्या सवयींची काळजी घेतली पाहिजे.
- मानसिक ताण कमी केला पाहिजे.
- शारीरिकदृष्ट्या सक्रिय राहणे आवश्यक आहे.
जर एखाद्याला मानसिक आरोग्याशी संबंधित समस्यांचा सामना करावा लागत असेल तर पॅनिक अटॅक रुग्णासाठी धोकादायक ठरू शकतो.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
