Health Tips : फूड ऍलर्जीमुळे मुलांना 'हा' आजार होऊ शकतो! स्वतःचं संरक्षण कसं कराल? जाणून घ्या

Health Tips : फूड ऍलर्जीची लक्षणे सामान्यतः मुलांमध्ये अधिक सामान्य असतात. पण, ती कोणत्याही वयात दिसू शकतात.

Health Tips (Image Source : https://www.freepik.com/)

Health Tips : तुम्ही तुमच्या आजूबाजूला अनेक लोकांना पाहिले असेल की ते जे खातात ते सर्व त्यांना शोभत नाही. काहींना सुक्या मेव्याची तर काहींना दुग्धजन्य पदार्थांची समस्या असते. अनेकांना मुरुमांचा त्रास होऊ लागतो. केवळ मुरुमांची समस्याच नाही तर लोकांना पोटाशी संबंधित समस्याही होऊ लागतात. या स्थितीला अन्न ऍलर्जी म्हणून ओळखले जाते.

पण, तुम्ही कधी विचार केला आहे का की, फूड ॲलर्जी का होते? नुकत्याच झालेल्या एका संशोधनातून असे समोर आले आहे की, लहानपणी फूड ऍलर्जी केवळ दमाच नाही तर फुफ्फुसांच्या कार्यावरही परिणाम करते. मर्डोक चिल्ड्रन्स रिसर्च इन्स्टिट्यूटच्या संशोधकांना असे आढळून आले की ज्या लोकांना लहान वयात फूड ऍलर्जी निर्माण होते त्यांना दम्याचा धोका वाढतो.

फूड ऍलर्जी म्हणजे काय?

आरोग्य तज्ञांच्या मते, फूड ऍलर्जी ही आपल्या रोगप्रतिकारक शक्तीची प्रतिक्रिया असते, जी विशिष्ट प्रकारचे अन्न खाल्ल्यानंतर उद्भवते. फूड ऍलर्जीमुळे होणारे अन्न कमी प्रमाणात खाल्ल्याने लगेच लक्षणे दिसू लागतात.

संशोधन काय म्हटलंय?

या संशोधनात 6 वर्षांच्या 13.7 टक्के मुलांमध्ये दमा आढळून आला. संशोधनानुसार, संशोधनात समाविष्ट असलेल्या मुलांमध्ये फूड ऍलर्जी नसलेल्या मुलांच्या तुलनेत दमा होण्याचा धोका जवळपास 4 पट जास्त होता.

श्वासोच्छवासाच्या समस्या

याबरोबरच लहानपणी फूड ॲलर्जीमुळे मुलांमध्ये श्वसनाचा त्रास वाढू शकतो. बालपणात फुफ्फुसांच्या विकासात अडथळे निर्माण झाल्यामुळे हृदय, श्वसनमार्ग आणि शरीराच्या इतर भागांमध्ये समस्या दिसून येतात.

संरक्षण कसं कराल? 

फूड ॲलर्जीसारख्या समस्या असलेल्या मुलांच्या पालकांनी मुलांच्या आहाराची विशेष काळजी घेणं गरजेचं आहे, असं आरोग्य तज्ज्ञांचं म्हणणं आहे. जे पदार्थ त्यांना त्रास देऊ शकतात ते खाऊ घालणे टाळा.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :