Health Tips : पपईच्या पानांनी खरोखर डेंग्यू बरा होऊ शकतो का? नेमकं सत्य काय? जाणून घ्या

Health Tips : डेंग्यूमध्ये पपईच्या पानांच्या फायद्यांबाबत सोशल मीडियावर अनेक दावे करण्यात आले आहेत.

Health Tips

Health Tips : आजकाल डेंग्यूच्या (Dengue) रूग्णांची संख्या झपाट्याने वाढतेय. अलीकडच्या काळात देशाच्या विविध भागांत डेंग्यूच्या अनेक केसेस सातत्याने समोर येत आहेत. डेंग्यू हा एक गंभीर आजार आहे, जो डासांच्या चाव्याव्दारे पसरतो. डेंग्यूमुळे अनेकदा शरीरात प्लेटलेट्सची कमतरता जाणवते. अशा परिस्थितीत प्लेटलेट्सच्या कमतरतेमुळे हिमोग्लोबिनची पातळी देखील कमी होऊ शकते. डेंग्यूमध्ये पपईच्या पानांच्या फायद्यांबाबत सोशल मीडियावर अनेक दावे करण्यात आले आहेत. मात्र, या दाव्यांना काही शास्त्रीय आधार आहे की नाही, हे जाणून घेऊयात. डेंग्यूच्या उपचारात पपईची पाने खरंच प्रभावी आहेत का? या संदर्भात अधिक माहिती जाणून घेऊयात. 

वैज्ञानिक दावे जाणून घ्या

नॅशनल सेंटर फॉर बायोटेक्नॉलॉजी इन्फॉर्मेशन (NCBI) मध्ये प्रकाशित झालेल्या अहवालानुसार, नुकत्याच झालेल्या एका अभ्यासात असे आढळून आले आहे की, पपईच्या पानांचा वापर डेंग्यू ताप रोखण्यासाठी प्रभावी ठरू शकतो. संशोधकांनी हा अभ्यास एका 45 वर्षीय रुग्णावर आधारित आहे ज्याला डेंग्यूचा डास चावला होता. रुग्णाला पाच दिवस दररोज सकाळी आणि संध्याकाळी पपईच्या पानांचा रस देण्यात आला. उपचारापूर्वी रुग्णाच्या रक्त तपासणीमध्ये प्लेटलेट्स, पांढऱ्या रक्त पेशी आणि न्यूट्रोफिल्सची संख्या कमी आढळली. मात्र पाच दिवस पपईचा रस दिल्यानंतर रुग्णाच्या प्लेटलेट्स वाढल्या होत्या. पपईची पाने डेंग्यूवर गुणकारी असल्याचे संशोधकांचे म्हणणे आहे. हे विषाणूजन्य रोगांच्या उपचारांमध्ये देखील वापरले जाऊ शकते. 

पपईच्या रसाने प्लेटलेट्स कसे वाढतात ते जाणून घ्या

पपईमध्ये आढळणारी काही रसायने आणि पोषक घटक प्लेटलेट्सची संख्या वाढवण्यास मदत करतात. पपईमध्ये कार्पेन्टाइन, व्हिटॅमिन सी, फायबर, फोलेट आणि व्हिटॅमिन ए सारखे घटक आढळतात जे प्लेटलेट निर्मिती आणि निर्मितीमध्ये महत्त्वपूर्ण भूमिका बजावतात. कार्पेन प्लेटलेट निर्मितीला प्रोत्साहन देते. व्हिटॅमिन सी आणि फायबर देखील प्लेटलेट्स तयार करण्यास मदत करतात. व्हिटॅमिन ए प्लेटलेट्सच्या निर्मितीमध्ये महत्त्वाची भूमिका बजावते. रक्तपेशींच्या निर्मितीसाठी फोलेट आवश्यक आहे. त्यामुळे पपईतील या पोषक घटकांमुळे प्लेटलेट काउंट वाढते पण डेंग्यूच्या उपचारासाठी डॉक्टरांचा सल्ला घेणे अत्यंत आवश्यक आहे. 

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :