Fashion : जशी उमटली सोनेरी चांदणी..! नववधू राधिकाच्या आणखी एका सोनेरी साडीनं वेधलं लक्ष, मंगल उत्सवात अंबानींच्या सुनेचा शाही अंदाज

Fashion : अंबानींची सून राधिकाने लग्नानंतरच्या मंगल उत्सवात जो पोशाख निवडला. ज्यामध्ये ती खूप सुंदर दिसत होती. ज्याची सर्वत्र चर्चा पाहायला मिळत आहे.

Fashion lifestyle marathi news royal look for bride at Mangal Utsav

Source : Other

Fashion : देशात नाही, तर अवघ्या जगात ज्या लग्नाची चर्चा होती, असं शाही आणि जगातलं सर्वात असं महागडं लग्न म्हणजेच अनंत अंबानी आणि राधिका मर्चंटचं लग्न 12 जुलैला शाही अंदाजात पार पडलंय, यावेळी अंबानी कुटुंबीयाच्या पोशाखांपासून ते दागिन्यापर्यंत सर्वत्र चर्चा होती. लग्नानंतर अनंत अंबानी आणि राधिका मर्चंट यांचा मंगल उत्सव 14 जुलै रोजी होता. या फंक्शनसाठी राधिकाने जो पोशाख निवडला होता, त्याची सर्वत्र चर्चा होती. जाणून घेऊया काय आहे याची खासियत?

लग्नाच्या प्रत्येक फंक्शनमध्ये राधिका मर्चंटचा लूक पाहण्यासारखा

अखेर उद्योगपती मुकेश अंबानी यांचा धाकटा मुलगा अनंत अंबानी आणि राधिका मर्चंट यांचा विवाह नुकताच झाला. 5 जुलैपासूनच या दोघांच्या लग्नाच्या विधींना सुरुवात झाली होती. या लग्नाची जगभरात चर्चा होत आहे. या लग्नाला बॉलिवूड, हॉलिवूड, राजकारण आणि व्यावसायिक जगतातील अनेक दिग्गजांनी हजेरी लावली होती. लग्नाच्या प्रत्येक फंक्शनमध्ये राधिका मर्चंटचा लूक पाहण्यासारखा होता. मग ती बॅचलोरेट पार्टी असो, हळदी असो किंवा मेहंदी समारंभ असो किंवा रिसेप्शन असो. 14 जुलै रोजी या जोडप्याचा मंगल उत्सव कार्यक्रम होता आणि येथेही राधिकाने तिच्या लूकने सर्वांना थक्क केले.

 

'मंगल उत्सव'मध्ये राधिका मर्चंटने नेसली सोन्याची साडी

मंगल उत्सव सोहळ्यासाठी राधिका मर्चंटने लाल रंगाऐवजी सोनेरी साडीची निवड केली. ज्यामध्ये ती खूपच सुंदर दिसत होती. तिचा रॉयल लुक सर्वांनाच आवडला. तिचा पोशाख सेलिब्रिटी डिझायनर अनामिका खन्ना आणि डोल्से अँड गब्बाना यांनी डिझाइन केला होता आणि रिया कपूरने स्टाइल केला होता. हेवी कॉर्सेट ब्लाउज आणि मॅचिंग दुपट्टा ट्रेल आउटफिटचे सौंदर्य द्विगुणित करत होते.

पोशाखाची खासियत काय?

या सोनेरी रंगाच्या साडीवर फ्लोरल पॅटर्न वर्क होते, दगडांनी जडवलेले होते आणि पोशाखावर सोन्याची नक्षी होती. तिने याच रंगाच्या हेवी कॉर्सेट ब्लाउजसह ही इंडो-वेस्टर्न साडी जोडली. मॅचिंग ट्रेलने पोशाखाच्या सौंदर्यात भर घातली. तिने आपल्या लूकने सर्वांची मनं जिंकली.

ॲक्सेसरीज आणि मेकअप

राधिकाने या कस्टमाइज्ड आउटफिटसह हेवी डायमंड ज्वेलरी परिधान केली होती. तिच्या हातातील बांगड्या सोबत नेकलेस आणि कानातले तिच्या पोशाखाशी अगदी जुळत होते.
साडीसोबत किमान मेकअप होता. न्यूड लिपस्टिक, ब्लश गाल, आयलाइनरने तिचा वधूचा लुक पूर्ण केला.
मोकळे केस या लूकमध्ये खूप छान दिसत होते.

 

 

हेही वाचा>>>

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )