Diwali 2023 : सणासुदीत तुमचे शरीर 'असे' डिटॉक्स करा; आजच आहारात 'या' पदार्थांचा समावेश करा

Diwali 2023 : शरीरातील विषारी पदार्थ काढून टाकणे हे देखील आवश्यक आहे.

Diwali 2023

Diwali 2023 : दिवाळीचा (Diwali 2023) सण सुरु झाला आहे. यामध्ये अनेक प्रकारचे तेलकट तसेच, आरोग्याला हानिकारक असे पदार्थ खाल्ले जातात. अशा वेळी अनेकदा आपण आपल्या शरीराची बाहेरून काळजी घेतो. पण, शरीराची आतून काळजी आपण घेत नाहीत. शरीर आतून स्वच्छ करणे म्हणजे शरीराला डिटॉक्सिफाई करणे म्हणजेच शरीरातील विषारी पदार्थ काढून टाकणे. हे देखील आवश्यक आहे कारण आपण दररोज असे पदार्थ खातो जे शरीरासाठी अजिबात चांगले नसतात. हार्मोनल असंतुलनामुळे शरीरात अनेक प्रकारच्या विषारी गोष्टी तयार होऊ लागतात. आता तुमच्या मनात एक प्रश्न असेलच की रोज शरीर डिटॉक्स करता येईल का? तर तुमचे शरीर डिटॉक्स करता येते. ते कसे ते जाणून घेऊया. 

या नैसर्गिक मार्गांनी तुमचे शरीर डिटॉक्स करा

अशा प्रकारे मनुका खा

जर तुम्ही दररोज पोटाशी संबंधित समस्यांमुळे चिंतेत असाल तर दररोज रात्री 3-4 मनुके पाण्यात भिजवा. हे भिजवलेले मनुके सकाळी रिकाम्या पोटी खा. यामुळे तुमच्या शरीरात जमा झालेले विषारी पदार्थ बाहेर पडतील. 

वेळेवर अन्न खा

अन्न पचायला 3-4 तास लागतात. त्यामुळे अन्न वेळेवर खा. अवेळी अन्न खाल्ल्याने तुमच्या आतड्यांमध्ये अतिरिक्त अन्न जमा होईल आणि नंतर विषारी पदार्थ जमा होऊ लागतील. 

भरपूर पाणी प्या

आरोग्य तज्ञांच्या मते, दररोज तीन लिटरपेक्षा जास्त पाणी प्या. तुम्ही जितके जास्त पाणी प्याल तितकी तुमच्या शरीरातील घाण निघून जाईल आणि तुमचे शरीर डिटॉक्सिफाईड होईल.  

चिया सीड्सचे सेवन करा

रोज कोमट पाण्यात चिया सीड्स प्या. यामुळे चयापचय तर वाढतोच पण बॉडी डिटॉक्सिफायही होते. 

भाजलेले फ्लेक्स बियाणे 

जर तुम्हाला तुमचे शरीर आतून स्वच्छ करायचे असेल तर दररोज फ्लॅक्ससीड पावडर खाणे सुरू करा. हे तुम्ही चपाती किंवा भाताबरोबर खाऊ शकता. 

आपल्या आहारात अधिक प्रोबायोटिक्स घ्या

• तुमच्या आहारात दूध, दही, ताक आणि चीजचा समावेश करा. यामुळे शरीराला पोषणही मिळते आणि शरीर डिटॉक्स होते. 
• फळे आणि भाज्या रोज खाव्यात. त्यामुळे शरीर स्वच्छ होते. त्यामुळे दिवसातून दोनदा फळे खा. 
• तुम्ही कोमट दुधात तूप टाकूनही पिऊ शकता, ते शरीर डिटॉक्स करण्यास मदत करते. 

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :