Cucumber Benefits : वजन कमी करणे ते हाडे मजबूत होण्यासाठी गुणकारी ठरेल काकडी! जाणून घ्या अधिक फायदे

Cucumber Health benefits : काकडीत जीवनसत्त्वे ए, सी, के, पोटॅशियम, ल्युटीन, फायबर असे अनेक पोषक घटक त्यात आढळतात. काकडी खाल्ल्याने वजन कमी होण्यासही मदत होते.

cucumber

Cucumber Health benefits : उन्हाळा सुरु झाला की, बाजारात काकडी येण्यास सुरुवात होते. कडक उन्हाळ्यात गारेगार काकडी (Cucumber) सहज खाल्ली देखील जाते. या काळात काकडी खावी, कारण काकडी खाण्याचे अनेक आरोग्यदायी फायदे आहेत. जीवनसत्त्वे ए, सी, के, पोटॅशियम, ल्युटीन, फायबर असे अनेक पोषक घटक त्यात आढळतात. काकडी खाल्ल्याने वजन कमी होण्यासही मदत होते. चला तर मग जाणून घेऊया काकडी खाण्याचे काय फायदे आहेत...

मजबूत हाडे : काकडी खाल्ल्याने हाडे मजबूत होतात. त्यात व्हिटॅमिन-के खूप जास्त प्रमाणात आढळते. यामुळे हाडांची घनता वाढते आणि हाडे मजबूत होतात.

चांगली त्वचा : काकडी त्वचा आणि केसांसाठी अमृतसारखी आहे. काकडी नियमित खाल्ल्यास केसांची वाढ चांगली होते. यासोबतच त्वचाही चमकदार होते. काकडीचा रस प्यायल्याने त्वचेवरील डाग निघून जातात.

बद्धकोष्ठतेपासून सुटका : काकडीच्या नियमित सेवनाने बद्धकोष्ठतेच्या समस्येवर मात करता येते. यासोबतच काकडी गॅस आणि अपचन कमी करण्यासही मदत करते.

वजन कमी करणे : काकडी खाल्ल्याने वजन कमी करता येते. कारण काकडीत खूप कमी कॅलरीज असतात. याशिवाय त्यात वजन वाढवणारे घटकही नाहीत. यामध्ये फायबर देखील भरपूर प्रमाणात असते. यामुळे काकडी खाल्ल्यानंतर पोटही भरलेले राहते आणि काहीही खावेसे वाटत नाही.

किडनीची समस्या दूर होते : काकडीत भरपूर पाणी असते, हे आपणा सर्वांना माहीत आहे. पोटॅशियमसह, ते शरीरातून यूरिक ऍसिड आणि मूत्रपिंडातील अशुद्धता देखील काढून टाकते.

कोलेस्ट्रॉल ठीक राहते : काकडी खाल्ल्यानेही कोलेस्ट्रॉलची पातळी संतुलित राखता येते. त्यात एक घटक असतो, ज्याला आपण स्टेरॉल म्हणतो. या घटकामुळे शरीरातील कोलेस्ट्रॉलची पातळी संतुलनात राहते.

रक्तदाब नियंत्रित राहतो : काकडी खाल्ल्याने रक्तदाब नियंत्रित ठेवता येतो. यामध्ये भरपूर पोटॅशियम असते, जे रक्तदाब सामान्य ठेवण्यास मदत करते.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha