Mik Benefits : दुधात ‘हे’ पदार्थ मिसळा आणि दुधाची पौष्टिकता वाढवा!

दुधात अनेक पोषक तत्व असतात. दुधात कॅल्शियम, पोटॅशियम, प्रथिने, व्हिटॅमिन डी, फॉस्फरस, सोडियम आढळते.

milk

Milk Benefits : दूध (Milk) पिण्याचे अनेक फायदे आहेत हे सर्वांनाच माहिती आहे. बरेच लोक केवळ दूध पितात, तर काही लोक दुधात बदाम मिसळून पितात. दुधात अनेक पोषक तत्व असतात. दुधात कॅल्शियम, पोटॅशियम, प्रथिने, व्हिटॅमिन डी, फॉस्फरस, सोडियम आढळते. दुसरीकडे, बदामामध्ये पोटॅशियम, कॅल्शियम, व्हिटॅमिन ई, लोह, मॅग्नेशियम आणि फॉस्फरस सारखे पोषक घटक असतात.

बदाम आणि दूध दोन्ही आरोग्यासाठी अनेक प्रकारे फायदेशीर आहेत. दूध हे स्वतःच संपूर्ण अन्न मानले जाते. जन्मापासूनच दूध हे आपले पहिले अन्न मानले जाते. दुधामध्ये तुमच्या आरोग्यासाठी आवश्यक असलेले सर्व पोषक घटक असतात. चला तर मग जाणून घेऊया कोणत्या गोष्टी दुधात मिसळून प्यायल्याने त्याचे अनेक फायदे आणखी वाढतात.

दुधात बदाम घालून पिण्याचे फायदे

बदाम आणि दूध दोन्ही आरोग्यासाठी अनेक प्रकारे फायदेशीर आहेत. बदाम आणि दुधात अनेक पोषक तत्व असतात. दुधात कॅल्शियम, पोटॅशियम, प्रोटीन, व्हिटॅमिन डी, फॉस्फरस, सोडियम असते. पोटॅशियम, कॅल्शियम, व्हिटॅमिन ई, लोह, मॅग्नेशियम आणि फॉस्फरस यांसारखे पोषक घटक बदामामध्ये असतात. अशा वेळी हे दोन्ही एकत्र सेवन केल्यास आरोग्यासाठी खूप फायदेशीर ठरते. बदामाचे दूध प्यायल्याने मेंदू आणि स्नायू निरोगी राहतात.

हळदीचे दूध पिण्याचे फायदे

हळदीचे दूध पिण्याचे अनेक फायदे आहेत हे सर्वांनाच माहिती आहे. दुधात हळद मिसळून पिणे हा अनेक वर्षांपासून औषधी घरगुती उपाय मानला जात आहे. हळदीचे दूध पौष्टिक असण्यासोबतच वाईट बॅक्टेरिया नष्ट करण्यातही मदत करते. हे तुमच्या लघवी, फुफ्फुस, हृदय आणि यकृताशी संबंधित समस्या दूर करण्यासाठी देखील उपयुक्त ठरू शकते.

दुधात मध मिसळून पिण्याचे फायदे

दुधात मध मिसळल्याने त्याचे फायदे दुप्पट होतात. दुधाप्रमाणेच मधालाही औषधी मानले जाते. मधामध्ये व्हिटॅमिन बी, कॅल्शियम, लोह, मॅग्नेशियम, तांबे, जस्त, जीवनसत्त्वे ए आणि डी सारखे पोषक घटक असतात. हे सर्व पोषक तत्व आपल्या शरीरासाठी आवश्यक आहेत.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha