Swiggy Jobs : स्विगीमध्ये अकाउंट्स मॅनेजरच्या पदांसाठी विविध शहरांत भरती, बॅचरल डिग्री असेल तर झटपट अर्ज करा
Swiggy Dineout Vacancy : प्रसिद्ध फूड डिलिवरी अॅप (Food Delivery App) स्विगी (Swiggy) मध्ये आगरा, पुणे, इंदूरसह अनेक शहरांत भरती.
Swiggy Dineout Vacancy : लोकप्रिय रेस्टॉरंट टेक्नॉलॉजी आणि डायनिंग प्लॅटफॉर्म (Restaurant Reservation Platform) डायनआउट (Dineout) विकत घेतल्यानंतर, स्विगी (Swiggy) आपली टीम वाढवत आहे. सॉफ्टवेअर अभियंता, क्लस्टर मॅनेजर इत्यादी पदांसाठी भरती होत आहे. या एपिसोडमध्ये, कंपनीनं देशातील अनेक शहरांमध्ये अकाउंट्स मॅनेजर-रिटेल (Accounts Manager-Retail) आणि अकाउंट्स मॅनेजर-प्रिमियम (Accounts Manager-Premium) या रिक्त पदांसाठी अर्ज आमंत्रित केले आहेत.
अकाउंट्स मॅनेजर-रिटेल (Accounts Manager-Retail)
स्विगी-डायनआउटशी संबंधित सर्व रेस्टॉरंट्सचे पोर्टफोलिओ मॅनेज करणं, स्पर्धकांच्या रणनीती आणि क्रियांवर लक्ष ठेवणं, व्यवस्थापन सुधारणा सुचवणं आणि बैठकांचं आयोजन करणं, वॉक-इनचं आयोजन करणं हे अकाउंट्स मॅनेजर-रिटेलचं मुख्य काम असेल.
पात्रता
सल्लागार, ई-कॉमर्स किंवा स्टार्ट-अपमध्ये काम करण्याचा किमान एक वर्षाचा अनुभव असलेले पदवीधर उमेदवार या पदांसाठी अर्ज करू शकतात. आग्रा, इंदूर, हैदराबाद, चेन्नई, बंगलोर, दिल्ली येथे अकाउंट्स मॅनेजर-रिटेल या पदांसाठी भरती सुरू आहे.
एकाउंट्स मॅनेजर-प्रीमियम (Accounts Manager-Premium)
खाते व्यवस्थापक-प्रीमियमची मुख्य कामं राष्ट्रीय रेस्टॉरंटची चेन मॅनेज करणं, शहरातील महत्त्वाच्या ग्राहक रेस्टॉरंटशी उत्तम संबंध निर्माण करणं, संभाव्य ग्राहकांना तसेच विद्यमान ग्राहकांना नियमितपणे आयडिया सादर करणं, नवीन आउटलेटचं प्लानिंग करणं इत्यादी काम असतील.
पात्रता
ई-कॉमर्स किंवा ऑनलाइन मार्केटिंग चॅनेलचे ज्ञान असलेले आणि त्यात काम करण्याचा 3-5 वर्षांचा अनुभव असलेले पदवीधर या पदासाठी अर्ज करू शकतात. या पदावर नियुक्ती करताना व्यवस्थापन पदवी असलेल्यांना प्राधान्य मिळेल. मुंबई, पुणे, चेन्नई आणि बंगलोर येथे खाते व्यवस्थापक-प्रीमियम या पदांसाठी भरती सुरू आहे.
कसा कराल अर्ज?
स्विगीच्या वेबसाईटवर https://careers.swiggy.com/#/careers तुम्ही वेगवेगळ्या शहरांसाठी अर्ज करु शकता.
अनेक तरुण सरकारी नोकरी मिळवण्यासाठी प्रयत्न करत असतात. अनेकदा वेळीच माहिती न मिळाल्यामुळे नोकरीची संधी हातातून जाते. त्यामुळेच नोकरीच्या शोधात असलेल्या तरुण-तरुणींसाठी एबीपी माझा खाजगी आणि सरकारी क्षेत्रातील नोकरीसंबंधातील माहिती जॉब माझा या विशेष कॅटेगरीमध्ये दररोज प्रकाशिक करतं. वेगवेगळ्या कंपन्या, संस्थांतील नोकर भरतीबाबत जाणून घेण्यासाठी एबीपी माझाच्या वेबसाईटला नक्की भेट द्या.
महत्त्वाच्या बातम्या
ट्रेंडिंग न्यूज
