गोपीचंद पडळकर आणि सदाभाऊ खोत मारकडवाडीत येणार, राम सातपुतेंची माहिती, म्हणाले, मोहिते पाटलांची जुलमी राजवट उध्वस्त करा

उद्या (10 डिसेंबर) याच मारकडवाडी गावात भाजप आमदार गोपीचंद पडळकर (Gopichand Padalkar) आणि आमदार सदाभाऊ खोत येणार असल्याची माहिती माळशिरसचे माजी आमदार राम सातपुते यांनी दिली आहे. 

Gopichand Padalkar and Sadabhau Khot

Source : Gopichand Padalkar and Sadabhau Khot

Ram Satpute : सोलापूर (Solapur) जिल्ह्यातील माळशिरस (Malshiras) तालुक्यातील मारकडवाडी (Markadwadi) हे गाव सध्या राज्यभर चर्चेचा विषय ठरत आहे. या गावातील ग्रामस्थांनी EVM वर संशय व्यक्त करत बॅलेट पेपरवर निवडणूक घेण्यासाठी आंदोलन केलं होतं. मात्र, प्रशासनाने गावात जमाबंदीचे आदेश लागू केल्यानंतर ही मतदान प्रक्रिया रद्द करण्यात आली आहे. दरम्या, या मारकडवाडी गावाला राष्ट्रवादी शरदचंद्र पवार पक्षाचे अध्यक्ष शरद पवार (Sharad Pawar) यांनी काल भेट दिली होती. त्यानंतर उद्या (10 डिसेंबर) याच मारकडवाडी गावात भाजप आमदार गोपीचंद पडळकर (Gopichand Padalkar) आणि आमदार सदाभाऊ खोत येणार असल्याची माहिती माळशिरसचे माजी आमदार राम सातपुते यांनी दिली आहे. 

 मोहिते पाटलांची जुलमी राजवट उध्वस्त करण्याचे ग्रामस्थांना आवाहन

शरद पवार यांच्या काल मारकडवाडी गावात झालेल्या सभेला चोख उत्तर देण्यासाठी उद्या भाजप आमदार गोपीचंद पडळकर आणि सदाभाऊ खोत हे मारकडवाडी गावच्या दौऱ्यावर येणार आहेत. मंगळवारी सकाळी 10:30 वाजता पडळकर आणि खोत यांची जाहीर सभा होणार असल्याची माहिती माजी आमदार राम सातपुते यांची ट्वीट करत दिली आहे. मोहिते पाटील यांची जुलमी राजवट उध्वस्त करण्याचे ग्रामस्थांना ट्विटद्वारे आवाहन करण्यात आलं आहे. दरम्यान त्याच दिवशी काँग्रेस प्रदेशाध्यक्ष नाना पटोले देखील मारकडवाडी दौऱ्यावर येणार असल्याची माहिती मिळत आहे. 

जमावबंदीचे आदेश लागू केल्यानंतर मतदानाची प्रक्रिया बंद

मारकडवाडी येथे विधानसभा निवडणुकीत झालेल्या मतदानामध्ये शरद पवार गटाचे आमदार उत्तम जानकर यांना गावात कमी मते पडली होती. त्यानंतर जानकर यांच्या कार्यकर्त्यांनी यावर आक्षेप घेतला होता. याचवेळी विरोधी भाजपच्या समर्थक ग्रामस्थांनी या बॅलेट वरील मतदान न करण्याचा निर्णय घेतला होता. त्यामुं गावात उघड दोन गट पडले होते. हे आंदोलन शरद पवार गटाचे आमदार उत्तम जानकर यांच्या समर्थकांनी सुरू केले आहे.  या गावाने 29 नोव्हेंबर पासून आंदोलनाला सुरुवात केली होती  तीन डिसेंबर रोजी मतदान घेण्याचा निर्णय करण्यात आला होता.  मात्र प्रशासनाने 2 डिसेंबर ते पाच डिसेंबर या कालावधीत या गावांमध्ये जमावबंदीचे आदेश लागू करत बॅलेटवर मतदानास विरोध केल्याने अखेर 3 डिसेंबर रोजी होणारे मतदान ऐनवेळी रद्द करावे लागले होते.

महत्वाच्या बातम्या: