Ghanshyam Darade in Bigg Boss Marathi Season 5 : छोटा पुढारीची बिग बॉसच्या घरात 'मुसंडी', मोठा धमाका करण्यास स्पर्धक सज्ज!
Ghanshyam Darade in Bigg Boss Marathi Season 5 : छोटा पुढारी असलेल्या घनश्याम दराडेची बिग बॉसच्या घरात एन्ट्री घेतली आहे.
Ghanshyam Darade in Bigg Boss Marathi Season 5 : आपल्या भाषणाने संपूर्ण महाराष्ट्राला खळखळून हसवणाऱ्या छोटा पुढारी म्हणजेच घनश्याम दराडेची (Ghanshyam Darade) बिग बॉसच्या घरात (Bigg Boss Marathi Season 5) एन्ट्री झाली आहे. त्यामुळे आता बिग बॉसच्या घरात मोठा धमाका करणार याची उत्सुकता प्रेक्षकांना लागून राहिली आहे. छोटा पुढारी हा त्याच्या वक्तव्यांमुळे बराच चर्चेत असतो. आता तो त्याच्या खेळामुळे चर्चेत येणार का हे पाहणं उत्सुकतेचं ठरणार आहे.
छोटा पुढारी घनश्याम दराडेने गौतमी पाटीलवर केलेल्या टिकेची जोरदार चर्चा रंगली होती. आता तो बिग बॉसच्या घरात कोणावर काय टिप्पणी करणार का? हे पाहणंही उत्सुकतेचं ठरणार आहे. छोटा पुढारीची सोशल मीडियावर बरीच हवा आहे. तसेच त्याच्या व्हिडीओची देखील बरीच चर्चा होत असते.
छोटा पुढारी म्हणून ओळख
घनश्याम दरोडे लहानपणापासूनच बोलण्याच्या लकबीमुळे प्रचंड चर्चेत आला होता. त्यामुळे संपूर्ण महाराष्ट्रात त्याची ओळख छोटा पुढारी अशी झाली. इतकचं नव्हे तर त्याच्या बोलण्याच्या शैलीचं कौतुक हे राजकीय वर्तुळात देखील करण्यात आलं होतं. घनश्यामने गौतमी पाटीलवर केलेल्या टीकेचीही जोरदार चर्चा झाली. त्यावर गौतमीने देखील त्याला चोख उत्तर दिलं होतं. दरम्यान काही वर्षांपूर्वी आलेल्या मुसंडी या सिनेमात देखील त्याने भूमिका साकारली होती.
आपली एकहाती सत्ता येणार - छोटा पुढारी
दरम्यान बिग बॉसच्या घरात जाण्याआधी छोटा पुढारीने म्हटलं की, आपली एकहाती सत्ता येणार, त्यासाठी आपल्याला गुवाहाटीला जाण्याची गरज भासणार नाही. त्यामुळे आता छोटा पुढारी बिग बॉसच्या घरात सत्ता कशी आणणार याची उत्सुकता अनेकांना लागून राहिली आहे. पुढे त्याने म्हटलं की, मी इतर राजकारण्यांसारखा नाही, मी आधी जनतेचा विचार करतो.
प्रत्येक आठवड्यात झटका आणि मनोरंजनाचा धमाका
मराठी मनोरंजनाचा बाप... ज्याची वाट अख्खा महाराष्ट्र बघतो... सुरु व्हायच्या आधीच ज्याच्या बद्दलच्या चर्चेला उधाण येतं, असा आपल्या सगळ्यांचा आवडता कार्यक्रम 'बिग बॉस मराठी' अखेर सुरु झाला आहे. ‘बिग बॉस मराठी'चं बिगुल आता वाजलं आणि स्पर्धकांच्या करामतींचा आता कस कसा लागेल हे पाहणं उत्सुकतेचं ठरणार आहे. प्रत्येक आठवड्यात लागेल झटका, आणि रंगणार मनोरंजनाचा धमाका. अशक्य अशा गोष्टींनी बनलेला 'बिग बॉस मराठी'चा नवा सीझन प्रेक्षकांच्या भेटीसाठी आता सज्ज आहे. घरातील मजा, मस्ती, डाव , प्रतिडाव आणि नव्या होस्टची कमाल अशा साऱ्याच गोष्टी पाहण्याची , अनुभवण्याची प्रेक्षकांना उत्सुकता आहे.
View this post on Instagram
ही बातमी वाचा :
महत्त्वाच्या बातम्या
