Virendra Sehwag, Wife Aarti Fighting Video: वीरेंद्र सेहवाग आणि पत्नी आरतीमध्ये गाडीतच कडाक्याचं भांडण? हा व्हिडीओ पाहून सारेच झालेत अवाक्

Virendra Sehwag, Wife Aarti Fighting Video: सध्या सोशल मीडियावर वीरेंद्र सेहवाग आणि त्याची पत्नी आरतीचा एक व्हिडीओ व्हायरल होत आहे. या व्हिडीओमध्ये वीरेंद्र सेहवाग त्याच्या पत्नीसोबत गाडीत बसल्याचं पाहायला मिळत आहे.

Virendra Sehwag Aarti Fighting In Public Place

Source : ABP Majha

Virendra Sehwag Aarti Fighting In Public Place: टीम इंडियाचा (Team India) धुरंधर वीरेंद्र सेहवाग (Virender Sehwag) सध्या चर्चेत आला आहे. वीरेंद्र सेहवाग आणि त्याची पत्नी आरती एकमेकांपासून विभक्त होणार असल्याच्या चर्चांना उधाण आलं आहे. वीरेंद्र सेहवागनं त्याची मावस बहीण आरतीसोबत लग्नगाठ बांधली होती. पण आता त्यांच्यात दुरावा आला असून दोघेही घटस्फोट घेणार असल्याचं बोललं जात आहे. मात्र, दोघांनीही अद्याप घटस्फोटाबाबत कोणतंही अधिकृत वक्तव्य केलेलं नाही. पण, दोघांचाही एक व्हिडीओ सध्या सोशल मीडियावर (Social Media) व्हायरल होत आहे, जो पाहून नेटकरी दोघांमध्ये घटस्फोट होणार असल्याचा दावा करत आहेत. 

सध्या सोशल मीडियावर वीरेंद्र सेहवाग आणि त्याची पत्नी आरतीचा एक व्हिडीओ व्हायरल होत आहे. या व्हिडीओमध्ये वीरेंद्र सेहवाग त्याच्या पत्नीसोबत गाडीत बसल्याचं पाहायला मिळत आहे. यादरम्यान, वीरेंद्र सेहवाग फोनवर बोलत असल्याचं दिसतंय. तर, त्याच्या पत्नीच्या चेहऱ्यावर राग दिसतोय. तसेच, दोघांमध्ये काय बोलणं झालं, ते ऐकू येत नाही, पण दोघांच्याही चेहऱ्यावरचे हावभाव फारच विचित्र आहेत. 

या व्हिडीओमध्ये लक्षात घेण्यासारखी गोष्ट म्हणजे, व्हिडीओमध्ये वीरेंद्र सेहवागची पत्नी आरती चिडून काहीतरी बोलत आहे आणि असं वाटतंय की, दोघांमध्ये कडाक्याचं भांडण सुरू आहे. आता हा व्हिडीओ वेगानं व्हायरल होत आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by cricket_ki_duniya (@duniya_cricket8055)

दरम्यान, वीरेंद्र सेहवाग आणि आरती घटस्फोट घेणार आहेत की नाही हे अद्याप स्पष्ट झालेले नाही. दोघांनी 2004 मध्ये आपली लग्नगाठ बांधली. दोघांनाही आर्यवीर आणि वेदांत नावाची दोन मुलं आहेत. दोन्ही मुलं क्रिकेटच्या क्षेत्रात आपलं करिअर घडवत आहेत.

युजवेंद्र, धनश्रीचा घटस्फोट? 

युजवेंद्र चहल आणि धनश्रीच्या घटस्फोटाच्या चर्चांनाही उधाण आलं आहे. याआधी हार्दिक पांड्यानंही अवघ्या 4 वर्षात त्याची पत्नी नताशाला घटस्फोट दिला होता. म्हणूनच आता जर वीरेंद्र सेहवाग आणि त्याची पत्नी आरती यांचा घटस्फोट झाला तर ते खूपच धक्कादायक असेल. कारण गेल्या वर्षभरात क्रिकेटपटूंच्या वैयक्तिक आयुष्यातील विस्कळीतपणा सातत्यानं समोर आला असून चर्चेता विषय ठरत आहे. 

महत्त्वाच्या इतर बातम्या :