वेळ जवळ आली आहे... फिंगर क्रॉस! कतरीनाच्या डिलिव्हरी डेटबद्दल विकी कौशलनं दिली हिंट, त्याच्या एका वाक्यावर चाहत्यांच्या चेहऱ्यावर हसू
कतरिना आणि विकीने गेल्या महिन्यात इंस्टाग्रामवर एक सुंदर ब्लॅक-अँड-व्हाइट फोटो शेअर करत आपल्या पहिल्या बाळाच्या आगमनाची घोषणा केली होती.
Viki Kaushal: बॉलिवूडमधील सर्वात चर्चेत असलेल्या कपल्सपैकी एक विकी कौशल (Vickey Kaushal) आणि कतरिना कैफ(Katrina Kaif) लवकरच आईबाबा होणार आहेत. काही दिवसांपूर्वीच दोघांनी चाहत्यांसोबत ही आनंदाची बातमी शेअर केली होती, आणि तेव्हापासून चाहत्यांमध्ये प्रचंड उत्सुकता वाढली आहे. आता, विकी कौशलने एका कार्यक्रमादरम्यान कतरिनाची डिलिव्हरी डेट अगदी जवळ आल्याचा संकेत दिलाय. त्यामुळे सध्या कतरिना आणि विकीची एकच चर्चा आहे.
मुंबईत पार पडलेल्या ‘युवा कॉन्क्लेव्ह’मध्ये विकी कौशल आपल्या आयुष्याच्या नव्या टप्प्याबद्दल मोकळेपणाने बोलला. जेव्हा त्याला विचारण्यात आलं की वडील होण्याच्या अनुभवाबद्दल त्याला काय वाटतं, तेव्हा तो हसला आणि म्हणाला, “मला फक्त बाबा व्हायचं आहे.” त्याच्या चेहऱ्यावरील उत्साह आणि चमक पाहून उपस्थितांमध्ये टाळ्यांचा कडकडाट झाला.
Vickey Kaushal: काय म्हणाला विकी?
विकी पुढे म्हणाला, “मी खूपच एक्साइटेड आहे... वेळ जवळ आली आहे... फिंगर क्रॉस!” आणि त्याच क्षणी तो हसत म्हणाला, “आता मला वाटतंय की मी घरातून बाहेरच पडू नये.” त्याच्या या वाक्यावर सभागृहात हास्याचा आणि टाळ्यांचा एकच गजर झाला. दरम्यान, विकीचा भाऊ सनी कौशलनेदेखील भावनिक प्रतिक्रिया दिली होती. “ही आमच्यासाठी खूपच सुंदर बातमी आहे. घरात सगळे खूप खुश आहेत, पण थोडीशी भीतीही आहे. आम्ही सगळे त्या क्षणाची आतुरतेने वाट पाहत आहोत,” असं सनी म्हणाला.
सोशल मीडियावरील गोड घोषणा
कतरिना आणि विकीने गेल्या महिन्यात इंस्टाग्रामवर एक सुंदर ब्लॅक-अँड-व्हाइट फोटो शेअर करत आपल्या पहिल्या बाळाच्या आगमनाची घोषणा केली होती. त्या फोटोमध्ये कतरिना तिच्या बेबी बंपकडे हसत पाहत होती, तर विकी तिच्या शेजारी उभा राहून आनंदाने तिच्या पोटावर हात ठेवून उभा होता. कॅप्शनमध्ये त्यांनी लिहिलं होतं, “आमच्या आयुष्यातील सर्वात सुंदर प्रवासाची सुरुवात होतेय.”
प्रेमकथेपासून आईबाबा होण्यापर्यंतचा प्रवास
डिसेंबर 2021 मध्ये राजस्थानातील सिक्स सेन्सेस फोर्ट बरवाडा येथे या जोडीचं लग्न शाही थाटात पार पडलं. लग्न अतिशय खाजगी ठेवण्यात आलं असलं तरी त्यांच्या लग्नाचे फोटो सोशल मीडियावर धुमाकूळ घालत होते. दोघांनी अद्याप कोणत्याही चित्रपटात एकत्र काम केलेलं नसूनही, त्यांची केमिस्ट्री बॉलिवूडमधील सर्वात चर्चेत राहिली आहे. आता त्यांच्या कुटुंबात नव्या सदस्याचं स्वागत करण्यासाठी चाहत्यांमध्येही उत्साहाचा माहोल आहे.
महत्त्वाच्या बातम्या
