Chhaava Box Office: 'छावा'च्या आसपास शाहरुख-सलमानही नाही; विक्की कौशलसमोर 2000 कोटींच्या अभिनेत्यानंही टेकले गुडघे
Vicky Kaushal Chhaava Box Office Collection: विक्की कौशलच्या 'छावा' चित्रपटानं तीन दिवसांत अनेक मोठ्या चित्रपटांना मागे टाकलं आहे. 31 कोटी रुपयांची ओपनिंग करणाऱ्या या चित्रपटाने तीन दिवसांत 100 कोटी रुपयांचा टप्पा ओलांडला आहे.
Vicky Kaushal Chhaava Box Office Collection: विक्की कौशलचा (Vicky Kaushal) नुकताच दिग्दर्शित झालेला चित्रपट 'छावा' (Chhaava Movie) सध्या थिएटरमध्ये धुमाकूळ घालत आहे. 'छावा'नं बॉक्स ऑफिसवर (Chhaava Movie Box Office Collection) जबरदस्त कमाई केली आहे. 31 कोटींची ओपनिंग करणाऱ्या या हिस्टॉरिकल फिल्मनं फक्त आणि फक्त तीनच दिवसांत 100 कोटींचा आकडा पार केला आहे. विक्की कौशल आणि रश्मिका मंदाना यांच्या चित्रपटाला पहिल्या तीन दिवसांत खूप प्रेम मिळाल्याचं पाहायला मिळालं आहे. त्यामुळे आता बॉक्स ऑफिसवरचं 'छावा'चं वादळ कुणीच रोखू शकणार नाही, असं म्हटलं जात आहे. या चित्रपटात विक्की कौशलनं भूमिकेला न्याय दिल्याच्या प्रतिक्रिया प्रेक्षकांकडून ऐकायला मिळत आहेत. तसेच, विक्कीसोबतच मुघल बादशाह औरंगजेबाच्या भूमिकेत झळकलेल्या अक्षय खन्नावरही कौतुकाचा वर्षाव होत आहे.
विक्की कौशलच्या 'छावा' चित्रपटानं तीन दिवसांत अनेक मोठ्या चित्रपटांना मागे टाकलं आहे. 31 कोटी रुपयांची ओपनिंग करणाऱ्या या चित्रपटाने तीन दिवसांत 100 कोटी रुपयांचा टप्पा ओलांडला आहे. विकी कौशल आणि रश्मिका मंदान्ना यांच्या चित्रपटाला पहिल्या तीन दिवसांत खूप प्रेम मिळालं. विक्कीच्या कारकिर्दीतील सर्वाधिक कमाई करणाऱ्या चित्रपटांच्या यादीत 'छावा' तिसऱ्या क्रमांकावर आला आहे. स्वतःचा विक्रम मोडण्यासाठी त्याला 250 कोटी रुपये कमवावे लागतील. अशातच आता 'छावा'नं 2000 कोटींच्या चित्रपटासह शाहरुख-सलमान खानचा विक्रमही अगदी सहज मोडला आहे.
View this post on Instagram
तिसऱ्या दिवशी चित्रपटानं किती कमावले?
2025 मध्ये प्रदर्शित झालेला 'छावा' हा बॉलिवूडचा पहिला चित्रपट आहे, ज्याला इतका अद्भुत प्रतिसाद मिळाला आहे. सॅकॅनिल्कच्या अहवालानुसार, या चित्रपटानं तिसऱ्या दिवशी भारतातून 48.5 कोटी रुपयांची कमाई केली. यासह, एकूण इंडियन नेट कलेक्शन 116.5 कोटी रुपये आहे. या चित्रपटानं अवघ्या तीन दिवसांत 100 कोटींचा टप्पा ओलांडला आहे. 'छावा'ची गर्जना केवळ देशातच नाहीतर, परदेशातही ऐकत आहे.
2000 कोटींचा चित्रपट कसा मागे पडला?
तिसऱ्या दिवशी सर्वाधिक कमाई करणाऱ्या हिंदी चित्रपटांची यादीही जाहीर झाली आहे. विकी कौशलचा 'छावा' 48.5 कोटी रुपयांची कमाई करून पाचव्या स्थानावर आला आहे. तर या यादीत आमिर खानचा 2000 कोटींचा 'दंगल' बाराव्या क्रमांकावर आहे. जरी हा सर्वाधिक कमाई करणारा चित्रपट असला तरी तिसऱ्या दिवशी तो 'छावा' पेक्षा मागे पडला. दंगलनं रिलीजच्या तिसऱ्या दिवशी भारतातून फक्त 41.34 कोटी रुपयांचा व्यवसाय केला.
त्यानं सलमान, शाहरुख खानलाही मागे टाकलं
या यादीत विक्की कौशलच्या 'छावा' चित्रपटामागे अनेक चित्रपट आहेत. जिथे सलमान खानचा 'टायगर जिंदा है' आठव्या क्रमांकावर आहे. तर शाहरुख खानचा 'पठाण' 17 व्या क्रमांकावर आहे. 'छावा'समोर 'टायगर 3' आणि 'बजरंगी भाईजान'ही टिकू शकले नाहीत. एवढंच नाही तर 'बाहुबली 2' आणि रणबीर कपूरचा 'संजू' देखील विक्कीच्या मागे आहे.
'या' 4 फिल्म्सच्या मागे राहिली 'छावा'
तिसऱ्या दिवशी ज्या 4 फिल्म्सचा विक्की कौशल रेकॉर्ड मोडू शकला नाही, त्यामध्ये 'पुष्पा 2', जवान, एनिमल आणि गदर 2 चा समावेश आहे. तसेच, 'छावा' अक्षय खन्नाची सर्वाधिक कमाई करणारी फिल्म बनली आहे. जिनं तीन दिवसांत 116.5 कोटींचा गल्ला कमावला आहे.
महत्त्वाच्या इतर बातम्या :
महत्त्वाच्या बातम्या
