भर कार्यक्रमात तब्येत बिघडली, रुग्णालयात नेताच सुप्रसिद्ध गायिकेचं निधन; ब्रेन स्ट्रोकमुळे घेतला अखेरचा श्वास
Geeta Patnaik Declared Brain Dead: ज्येष्ठ ओडिया गायिका गीता पटनायक यांचे वयाच्या 73व्या वर्षी निधन. मनोरंजनसृष्टीत शोककळा.
Singer Geeta Patnaik Declared Brain Dead Death: सिनेसृष्टीतून एक धक्कादायक बातमी समोर येत आहे. ओडिया संगीतातील लोकप्रिय आणि प्रसिद्ध आवाज गीता पटनायक यांचे निधन झाले आहे. वयाच्या 73 वर्षीय त्यांनी अखेरचा श्वास घेतला. कटकमधील एका खासगी रुग्णालयात त्यांच्यावर उपचार सुरू होते. मात्र, त्यांची रुग्णालयातच प्राणज्योत मालवली. पटनायक यांच्या कुटुंबातील सदस्याने त्यांच्या मृत्यूबाबत अधिकृत माहिती दिली. रविवारी सायंकाळी त्यांच्या निधनाची बातमी समोर आली.
गीता पटनायक यांच्यासोबत नेमकं काय घडलं?
गुरुवारी एका कार्यक्रमात गीता पटनायक सहभागी झाल्या होत्या. त्याच कार्यक्रमात त्यांची अचानक तब्येत बिघडली. त्यांना तातडीने कटकमधील हॉस्पिटलमध्ये दाखल करण्यात आले. चाचणी केली असता, त्यांना ब्रेन स्ट्रोक झाल्याचे निदान झाले. त्यानंतर त्यांना कटकमधील एका खासगी रुग्णालयातील उपचारासाठी पाठवण्यात आले. गीता यांचे मेहुणे प्रदोष पटनायक यांनी सांगितले की, उपचारादरम्यान, डॉक्टरांनी रविवारी त्यांचे ब्रेन डेड घोषित केले. मृत्यू झाल्यानंतर पटनायक कुटुंबावर दु:खाचा डोंगर कोसळला. गीता यांचा मृतदेह आज सोमवारी कटक येथील त्यांच्या निवासस्थानी नेण्यात आले. त्यानंतर त्यांच्या पार्थिवावर अंतिम संस्कार करण्यात येईल.
गीता पटनायक यांच्या गाण्यांना पसंती
गीता पटनायक यांनी आपल्या कारकिर्दीत अनेक कलाकार आणि संगीतकारांसोबत काम केले आहे. त्यांनी आजवर अनेक लोकप्रिय ओडीया गाण्यांना आपला आवाज दिला आहे. त्यांच्या गाण्यांना आजही प्रेक्षकांकडून पसंती मिळते.
गीता पटनायक यांच्या निधनाबद्दल केवळ संगीत आणि मनोरंजन जगतातूनच नव्हे तर, ओडिशाच्या काही नेत्यांनीही श्रद्धांजली वाहिली. मुख्यमंत्री मोहन चरण मांझी आणि बीजेडी प्रमुख नवीन पटनायक यांनी गीता पटनायक यांच्या निधनाबद्दल शोक व्यक्त केला. मुख्यमंत्र्यांनी आपल्या पोस्टमध्ये म्हटलं की, 'प्रसिद्ध गायिका गीता पटनायक यांच्या निधनाची बातमी ऐकून मला दु:ख झाले आहे. त्यांच्या निधनानंतर कधीही भरुन न निघणारी पोकळी निर्माण झाली आहे. या दु:खाच्यावेळी, मी शोकग्रस्त कुटुंबाप्रति तीव्र संवेदना व्यक्त करतो. त्यांच्या आत्म्याच्या शांतीसाठी मी देवाकडे प्रार्थना करतो', असं म्हणत त्यांनी शोक व्यक्त केला.
महत्त्वाच्या इतर बातम्या:
महत्त्वाच्या बातम्या
