Prashant Damle: प्रशांत दामले यांचे नवे नाटक; 'या' दिवशी पार पडणार ‘नियम व अटी लागू’ चा शुभारंभाचा प्रयोग
निर्माते प्रशांत दामले (Prashant Damle) यांनी भन्नाट नियम आणि मजेशीर अटींसह रंगभूमीवर आणलेलं ‘नियम व अटी लागू’ (Niyam Va Ati Lagu New Marathi Drama) हे आजच्या पिढीचं खुसखुशीत नाटक प्रेक्षकांच्या भेटीस येणार आहे.
Niyam Va Ati Lagu: माणूस हा असा प्राणी आहे की, सामान्यपणे तो कोणत्याही मानवी नियमांत बसत नाही. कालचा माणूस आज वेगळा भासतो. कोणत्या प्रसंगी आपण कसे वागू हे निश्चितपणे सांगता येत नाही. त्यामुळे सांगणे आणि स्वतः वागणे यात फरक पडतो. थोडक्यात काय तर नियम व अटींच्या बाबतीत विचाराच्या, वागण्याच्या बाबतीत ठामच असावे, असा हट्ट अनेकदा चुकीचा ठरतो. सोयीनुसार नियमातून पळवाट काढताना अटींचा भंग होऊ शकतो. हे माहीत असूनही नियम व अटी लागू केल्या जातात. त्यात जर या नियम व अटी नवरा व बायकोच्या नात्याला लागू करायच्या असतील तर काय?
नियम अटींची ही कसरत पार पाडताना एका जोडप्याची होणारी तारांबळ पाहायची असेल तर निर्माते प्रशांत दामले (Prashant Damle) यांनी भन्नाट नियम आणि मजेशीर अटींसह रंगभूमीवर आणलेलं ‘नियम व अटी लागू’ (Niyam Va Ati Lagu New Marathi Drama) हे आजच्या पिढीचं खुसखुशीत नाटक चुकवू नका. गौरी थिएटर निर्मित व प्रशांत दामले फॅन फाऊंडेशन प्रकाशित ‘नियम व अटी लागू’ या नव्या नाटकाचा शुभारंभ शनिवार 18 मार्च रोजी डोंबिवलीतील सावित्रीबाई फुले नाट्यगृहात रात्री 8.30 वा. होणार आहे.
View this post on Instagram
नाटकातील नियम व अटींच्या बाबतीत सदैव जागरुक असणारे निर्माते प्रशांत दामले, दिग्दर्शक चंद्रकांत कुलकर्णी आणि आपल्या खुमासदार लेखणीने नियम व अटींचा लेखाजोगा मांडणारे युवा लेखक संकर्षण कऱ्हाडे या त्रयीचं हे नाटक आहे. स्वत: संकर्षण कऱ्हाडे अभिनेत्री अमृता देशमुख आणि अभिनेता प्रसाद बर्वे यांच्या प्रमुख भूमिका या नाटकात आहेत.
प्रशांत दामलेंच्या नाटकांना प्रेक्षकांची पसंती
प्रशांत दामलेंनी 1983 साली 'टूरटूर' या नाटकाच्या माध्यमातून व्यावसायिक रंगभूमीवर पदार्पण केलं. त्यांनी वेगवेगळ्या नाटकांत वेगवेगळ्या भूमिका त्यांनी साकारल्या आणि त्यांच्या रंगभूमीवरील प्रवासाची बस सुसाट सुटली. प्रशांत दामले यांच्या नकळत दिसले सारे, कार्टी काळजात घुसली, संगीत संशयकल्लोळ, साखर खाल्लेला माणूस आणि एका लग्नाची पुढची गोष्ट या नाटकांना प्रेक्षकांची विशेष पसंती मिळाली.
वाचा इतर महत्वाच्या बातम्या:
महत्त्वाच्या बातम्या
