![ABP Premium](https://cdn.abplive.com/imagebank/Premium-ad-Icon.png)
Rupali Bhosle : शॉर्ट केस अन् क्लासिक लूक, ‘आई कुठे काय करते’ मालिकेतील संजनाच्या ‘त्या’ लूकचं रहस्य अखेर उलगडलं!
Rupali Bhosle : काही दिवसांपूर्वीच रुपालीने तिचा वेगळ्या लूकमधला फोटो सोशल मीडियावर पोस्ट केला होता. रुपालीने हा लूक नेमका कशासाठी केला आहे, याची तिच्या चाहत्यांमध्ये कमालीची उत्सुकता होती.
![Rupali Bhosle : शॉर्ट केस अन् क्लासिक लूक, ‘आई कुठे काय करते’ मालिकेतील संजनाच्या ‘त्या’ लूकचं रहस्य अखेर उलगडलं! Rupali Bhosle new classic look reveled for Pravah Picture puraskar 2022 Rupali Bhosle : शॉर्ट केस अन् क्लासिक लूक, ‘आई कुठे काय करते’ मालिकेतील संजनाच्या ‘त्या’ लूकचं रहस्य अखेर उलगडलं!](https://feeds.abplive.com/onecms/images/uploaded-images/2022/10/06/335f3407c8a1c503079bf84a5168b6381665055318261373_original.jpg?impolicy=abp_cdn&imwidth=1200&height=675)
Rupali Bhosle : ‘आई कुठे काय करते’ (Aai Kuthe Kay Karte) या मालिकेतील संजना म्हणजेच अभिनेत्री रुपाली भोसले (Rupali Bhosle) तिच्या वेगवेगळ्या लूक्ससाठी नेहमीच चर्चेत असते. काही दिवसांपूर्वीच रुपालीने तिचा वेगळ्या लूकमधला फोटो सोशल मीडियावर पोस्ट केला होता. रुपालीने हा लूक नेमका कशासाठी केला आहे, याची तिच्या चाहत्यांमध्ये कमालीची उत्सुकता होती. या फोटोमागचं खरं रहस्य आता समोर आलं आहे. प्रवाह पिक्चर पुरस्कार सोहळ्यामध्ये रुपालीचा हा अनोखा अंदाज पाहायला मिळणार आहे.
‘अशी ही बनवाबनवी’ या क्लासिकल चित्रपटातील ‘हृदयी वसंत फुलताना’ या गाण्यावर रुपाली भोसले परफॉर्म करणार आहे. याच परफॉर्मन्साठी रुपालीने अभिनेत्री सुप्रिया पिळगावकर यांच्या चित्रपटातील लुकशी मिळताजुळता लूक करण्याचा प्रयत्न केला आहे.
पाहा व्हिडीओ :
या परफॉर्मन्ससाठी रुपाली अतिशय उत्सुक असून असा हटके प्रयोग तिने पहिल्यांदाच केला आहे. सुप्रसिद्ध अभिनेता भूषण प्रधानसोबत रुपाली या सदाबहार गाण्यावर थिरकताना दिसणार आहे. रुपालीचा हा हटके अंदाज ‘प्रवाह पिक्चर पुरस्कार 2022’ सोहळ्यात रविवार 16 ऑक्टोबरला सायंकाळी 7 वाजता स्टार प्रवाह आणि प्रवाह पिक्चर वाहिनीवर पाहायला मिळणार आहे.
रुपाली भोसलेचा हा लूक सोशल मीडियावर चांगलाच चर्चेत आला होता. अभिनेत्रीने स्वतः या लूकचा व्हिडीओ सोशल मीडियावर शेअर केला होता. या परफॉर्मन्ससाठी तयार होत असतानाचा व्हिडीओ सोशल मीडियावर शेअर केला होता. तिचा हा लूक पाहून चाहत्यांना देखील आश्चर्याचा धक्का बसला होता. अनेकांना वाटलं होतं की, तिने खरंच आपले केस कापले का?, हा लूक नेमका कशासाठी?, असा प्रश्न देखील चाहत्यांना पडला होता.
रुपालीने साकारलेल्या ‘संजना’ मिळतोय चांगला प्रतिसाद
छोट्या पडद्यावरची ‘आई कुठे काय करते’ ही मालिका प्रेक्षकांच्या चांगलीच पसंतीस उतरली. या मालिकेत अभिनेत्री रुपाली भोसले हिने ‘संजना’ची भूमिका साकारली आहे. तर, अभिनेत्री मधुराणी प्रभुलकर आणि अभिनेते मिलिंद गवळी ‘अरुंधती-अनिरुद्ध’ची भूमिका साकारत आहेत. या मालिकेत रुपालीने खलनायिका साकारली आहे. अनिरुद्ध आणि अरुंधतीच्या आयुष्यात येऊन त्यांचा संसार मोडून, अनिरुद्धशी संसार थाटणारी संजना सुरुवातीला प्रेक्षकांच्या रोषाला कारणीभूत ठरली होती. मात्र, आता तिच्या या पात्राला प्रेक्षकांकडून भरभरून प्रेम मिळते आहे. सोशल मीडियावर सक्रिय असणारी अभिनेत्री आपल्या आयुष्यातील अनेक अपडेट्स चाहत्यांसोबत शेअर करत असते.
हेही वाचा :
PHOTO: 'बिग बॉस' फेम रुपाली भोसलेनं धरला रास दांडियात ठेका
PHOTO : जरीच्या साडीत कशी सजून धजून... रुपाली भोसलेच्या सुंदर फोटोशूटवर खिळल्या साऱ्यांच्या नजरा!
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)