Marathi Serial: वादळवाट ते उंच माझा झोका; 'या' मराठी मालिकांचे टायटल साँग्स आजही आवडीने ऐकले जातात

जाणून घेऊयात मराठी मालिकांच्या टायटल साँग्सबद्दल...

Marathi Serial

Marathi Serial: मराठी मालिका लोक आवडीनं बघतात. या मालिकांचे कथानक आणि मालिकेतील कलाकारांचा या गोष्टी प्रेक्षकांची मनं जिंकत असतात. मराठी मालिकांच्या आगामी एपिसोड्समध्ये काय होणार? याची प्रेक्षक उत्सुकतेने वाट बघतात. मराठी मालिकेचे टायटल साँग्स देखील प्रेक्षकांचे लक्ष वेधतात. जाणून घेऊयात मराठी मालिकांच्या टायटल साँग्सबद्दल...

वादळवाट (Vadalvaat)

वादळवाट ही मालिका 2003 ते 2007 यादरम्यान प्रेक्षकांच्या भेटीस आली. या मालिकेच्या टायटल साँगनं प्रेक्षकांची मनं जिंकली होती. देवकी पंडित यांनी वादळवाट या मालिकेचं  टायटल साँग गायलं होतं.  तर या गाण्याचे गीतकार मंगेश कुळकर्णी हे होते.  वादळवाट या मालिकेच्या टायटल साँगला अशोक पत्की यांनी संगीत दिलं होतं.अदिती सारंगधर, अरुण नलावडे, मेघना वैद्य, शरद पोंक्षे, सुबोध भावे या कलाकारांनी या मालिकेमध्ये प्रमुख भूमिका साकारली आहे.

या सुखांनो या (Ya Sukhanno Ya)

या सुखांनो या या मालिकेला प्रेक्षकांची विशेष पसंती मिळाली. या मालिकेत विक्रम गोखले, ऐश्वर्या नारकर, राजन भिसे यांनी प्रमुख भूमिका साकारली होती. या मालिकेचं टायटल साँग प्रेक्षक आजही आवडीनं ऐकतात. 

होणार सून मी या घरची ( Honaar Soon Mee Hyaa Gharchi)

अनेक विवाह सोहळ्यांमध्ये तसेच संगीत कार्यक्रमात होणार सून मी या घरची या मालिकेचं टायटल साँग तुम्ही ऐकत असाल. नववधु या टायटल साँगवर डान्स देखील करतात. तेजश्री प्रधान, शशांक केतकर, रोहिणी हट्टंगडी यांनी या मालिकेत प्रमुख भूमिका साकारली.

माझा होशील ना (Majha Hoshil Na)

अशोक पत्की यांनी माझा होशील ना  (Majha Hoshil Na) या मालिकेच्या टायटल साँगला संगीत दिलं आहे. आर्या आंबेकरनं हे टायटल साँग गायलं आहे. या मालिकेत गौतमी देशपांडे आणि विराजस कुलकर्णी यांनी प्रमुख भूमिका साकारली. 

जुळून येती रेशीमगाठी (Julun Yeti Reshimgathi)

जुळून येती रेशीमगाठी  (Julun Yeti Reshimgathi) या मालिकेचं टायटल साँग स्वप्नील बांदोडकरनं (Swapnil Bandodkar) हे गायलं आहे. या मालिकेत प्रजाक्ता माळी आणि ललित प्रभाकर यांनी प्रमुख भूमिका साकारली.

सध्या प्रेक्षकांच्या भेटीस येत असलेल्या  आई कुठे काय करते, तुझेच मी गीत गात आहे (Tujhech Mi Geet Gaat Aahe) आणि रंग माझा वेगळा या मालिकांच्या टायटल साँग्सला देखील प्रेक्षकांची पसंती मिळत आहे.

वाचा इतर महत्वाच्या बातम्या: