Majhi Tujhi Reshimgath : 'माझी तुझी रेशीमगाठ' मालिकेत परीसमोर आलं अविनाशचं सत्य; यश-नेहाच्या नात्यात दुरावा

Majhi Tujhi Reshimgath : 'माझी तुझी रेशीमगाठ' मालिकेत परीसमोर अविनाशचं सत्य आलं आहे.

Majhi Tujhi Reshimgath

Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही मालिका सध्या लोकप्रियतेच्या शिखरावर आहे. मालिकेत नव-नवीन ट्वीस्ट येत असल्याने ही मालिका प्रेक्षकांच्या पसंतीस उतरत आहे. आता या मालिकेत परीसमोर अविनाशचं सत्य आलं आहे. 

परीसमोर अविनाशचं चांगलं रुप आल्याने ती नेहाला आता वाईट ठरवायला लागली आहे. मालिकेच्या येणाऱ्या भागात परी स्वत:ला एका खोलीत कोंडून घेणार आहे. तर नेहा परीसोबत बोलण्याचा प्रयत्न करते तेव्हा परी नेहाला खोटारडी आई अशी हाक मारते. त्यामुळे नेहाला मोठा धक्का बसतो. तर दुसरीकडे बंडू काकू नेहाला परीला शांतपणे सगळं समजून सांगण्याचा सल्ला नेहाला देतात. त्यामुळे आता मालिकेच्या आगामी भागात परी नेहाला समजून घेईल का याकडे प्रेक्षकांचं लक्ष लागलं आहे. 

'माझी तुझी रेशीमगाठ' या मालिकेत नेहा आणि परी सध्या चाळीत राहायला गेले आहेत. अशातच अविनाशने यशकडून परीच्या भविष्याची चिंता व्यक्त करत 30 लाख रुपये घेतले आहे. अद्याप यासंदर्भात यशने नेहाला सांगितलेले नाही. नेहाने अविनाशचं सत्य यशला न सांगितल्यामुळे यशने 30 लाख अविनाशला दिल्याचं नेहाला सांगितलेलं नाही.  

'माझी तुझी रेशीमगाठ' ही मालिका सध्या उत्कंठावर्धक वळणावर आली आहे. मालिकेत सध्या यश-नेहाच्या नात्यात दुरावा आला आहे. यश-नेहाच्या नात्यात दुरावा आल्याने परीच्या मनावर वाईट परिणाम होईल अशी शक्यता वर्तवली जात आहे. अविनाशमुळे नेहा-परीच्या नात्यात दुरावा येईल का, अशा सर्व प्रश्नांची उत्तरं लवकरच प्रेक्षकांना मालिकेच्या येणाऱ्या भागात मिळणार आहेत. 

'माझी तुझी रेशीमगाठ' लवकरच घेणार प्रेक्षकांचा निरोप

'माझी तुझी रेशीमगाठ' ही मालिका टीआरपीच्या शर्यतीत आघाडीवर आहे. पण आता ही मालिका प्रेक्षकांचा निरोप घेणार आहे. श्रेयस तळपदे आणि प्रार्थना बेहेरे या मालिकेत महत्त्वाच्या भूमिकेत आहेत. 'माझी तुझी रेशीमगाठ' प्रेक्षकांचा निरोप घेणार असल्याने चाहते नाराज झाले आहेत. आता या मालिकेची जागा 'दार उघड बये' ही नवी मालिका घेणार आहे. नुकताच या मालिकेचा प्रोमो आऊट झाला असून प्रेक्षकांच्या पसंतीस उतरतो आहे. 

संबंधित बातम्या