Prarthana Behere : 'अभी ना जाओ छोडकर...'; नेहा कामत या व्यक्तिरेखेला निरोप देताना प्रार्थना बेहेरे भावूक

Prarthana Behere : प्रार्थना बेहेरेने नेहा कामत या व्यक्तिरेखेला निरोप देताना एक खास व्हिडीओ चाहत्यांसोबत शेअर केला आहे.

Prarthana Behere

Prarthana Behere : 'माझी तुझी रेशीमगाठ' (Majhi Tujhi Reshimgath) ही छोट्या पडद्यावरील लोकप्रिय मालिका आहे. लवकरच ही मालिका प्रेक्षकांचा निरोप घेणार आहे. आज या मालिकेच्या शेवटच्या भागाचे शूटिंग झाले आहे. दरम्यान प्रार्थना बेहेरेने नेहा कामत या व्यक्तिरेखेला निरोप देताना एक खास व्हिडीओ चाहत्यांसोबत शेअर केला आहे. 

प्रार्थना बेहेरने नेहा कामत या व्यक्तिरेखेला निरोप देताना खास पोस्ट लिहिली आहे. व्यक्तिरेखेचा निरोप घेताना प्रार्थना भावुक झाली आहे. तिने नेहाला एक स्पेशल पोस्ट शेअर केली आहे. तिने लिहिलं आहे,"अभी ना जाओ छोडकर...के दिल अभी भरा नही". तसेच नेहा कामत म्हणून हे शेवटचं रील असेल असंदेखील तिने म्हटलं आहे. प्रार्थनाची ही पोस्ट सध्या व्हायरल होत असून 'आम्हालादेखील आता नेहाची आठवण येईल' अशा कमेंट्स नेटकरी करत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prarthana 💜 (@prarthana.behere)

प्रार्थना बेहेरेने 'पवित्र रिशता' या मालिकेच्या माध्यमातून अभिनयक्षेत्रात पदार्पण केलं आहे. पहिल्याच मालिकेने तिला लोकप्रियता मिळाली आहे. तिने 'मितवा', 'मिस्टर अॅन्ड मिसेस' अशा गाजलेल्या सिनेमांत काम केलं आहे. सध्या 'माझी तुझी रेशीमगाठ' या मालिकेच्या माध्यमातून प्रार्थना घराघरांत पोहचत आहे. पण आता ही मालिका प्रेक्षकांचा निरोप घेणार आहे. 

'दार उघड बये' होणार सुरू

'माझी तुझी रेशीमगाठ' ही मालिका प्रेक्षकांचा निरोप घेणार असून या मालिकेची जागा 'दार उघड बये' ही नवी मालिका घेणार आहे. 19 सप्टेंबरपासून सोमवार ते शनिवार रात्री 8.30 वाजता ही मालिका प्रेक्षक झी मराठीवर पाहू शकतात. या मालिकेचं कथानक हटके असल्याने प्रेक्षक या मालिकेची प्रतीक्षा करत आहेत. 

संबंधित बातम्या