Maharashtra Television News: तुमच्या आवडत्या मालिकेत सध्या काय घडतंय? जाणून घ्या एका क्लिकवर!

Maharashtra Television News : तुमच्या आवडत्या मालिकेच्या कथानकामध्ये सध्या काय घडतंय? या मालिकांमध्ये कोणते ट्वीस्ट येणार आहेत? याबाबत जाणून घेऊयात...

Maharashtra Television News

Maharashtra Television News: विविध विषयांवर आधारित असणाऱ्या मालिका प्रेक्षकांची मनं जिंकत असतात. या मालिका अनेक लोक रोज न चुकता बघतात. तुमच्या आवडत्या मालिकेच्या कथानकामध्ये सध्या काय घडतंय? या मालिकांमध्ये कोणते ट्वीस्ट येणार आहेत? याबाबत जाणून घेऊयात...

सलमानच्या 'बिग बॉस ओटीटी 2' मध्ये सहभागी होणार? आदित्य नारायण पोस्ट शेअर करत म्हणाला...

Bigg Boss OTT 2: बिग बॉस ओटीटीच्या सीझन 2 (Bigg Boss OTT 2) ची प्रेक्षक उत्सुकतेने वाट बघत आहेत. बिग बॉस ओटीटी 2 मध्ये  कोणते स्पर्धक सहभागी होणार आहेत? जे जाणून घेण्यासाठी प्रेक्षक उत्सुक आहेत. या कार्यक्रमाच्या  गेल्या सीझनमध्ये विविध सेलिब्रिटी सहभागी झाले होते. त्यामधील दिव्या अग्रवाल ही बिग बॉस ओटीटीच्या पहिल्या सीझनची  विजेती ठरली होती. आता बिग बॉस ओटीटीच्या दुसऱ्या सीझनमध्ये गायक आदित्य नारायण (Aditya Narayan) सहभागी होणार आहे, अशी चर्चा सोशल मीडियावर होत आहे. आता या चर्चेवर आदित्यनं सोशल मीडियावर पोस्ट शेअर करुन प्रतिक्रिया दिली आहे. 

Maharashtrachi Hasyajatra : 'महाराष्ट्राची हास्यजत्रा' घेणार प्रेक्षकांचा निरोप; 'हा' कार्यक्रम होणार सुरू

Maharashtrachi Hasyajatra : 'महाराष्ट्राची हास्यजत्रा' (Maharashtrachi Hasyajatra) हा छोट्या पडद्यावरील लोकप्रिय विनोदी कार्यक्रम आहे. या कार्यक्रमाने फक्त महाराष्ट्रातीलच नाही तर जगभरातील प्रेक्षकांची मने जिंकली आहेत. आता हा लोकप्रिय कार्यक्रम प्रेक्षकांचा निरोप घेणार आहे. 

Tuzech Mi Geet Gaat Aahe: मल्हारच्या स्वप्नात आली आहे वैदेही; 'तुझेच मी गीत गात आहे' मालिकेचा प्रोमो व्हायरल

Tuzech Mi Geet Gaat Aahe:  तुझेच मी गीत गात आहे (Tuzech Mi Geet Gaat Aahe)  या मालिकेमध्ये वेगवेगळे ट्वीस्ट येत असतात. नुकताच या मालिकेचा प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, मल्हारच्या स्वप्नात वैदेही येते. या प्रोमोनं अनेकांचे लक्ष वेधले आहे. 

The Kapil Sharma: मंदाकिनीवर तिच्या वडिलांनी गोळी झाडली होती? राम तेरी गंगा मैली फेम अभिनेत्रीनं द कपिल शर्मा शोमध्ये सांगितला 'तो' किस्सा

The Kapil Sharma Show: 'द कपिल शर्मा शो' (The Kapil Sharma Show) हा लोकप्रिय टीव्ही शो आहे. या शोमध्ये विविध सेलिब्रिटी हजेरी लावतात.'द कपिल शर्मा शो' च्या  एका एपिसोडमध्ये अभिनेत्री मंदाकिनी (Mandakini), संगीता बिजलानी (Sangeeta Bijlani) आणि वर्षा उसगावकर (Varsha Usgaonkar) यांनी हजेरी लावली आहे.  या एपिसोडमध्ये अभिनेत्री मंदाकिनीनं तिच्याबाबत पसरलेल्या अफवांबाबत सांगितलं. 

Aai Kuthe Kay Karte : 'आई कुठे काय करते' मालिकेत नवं वळण; अरुंधती अखेर परदेशी जाणार

Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही छोट्या पडद्यावरील लोकप्रिय मालिका आहे. गेल्या काही महिन्यांपासून सुरू असलेल्या या मालिकेत आजही नव-नवे ट्विस्ट येत आहेत. आता या मालिकेत रंजक वळण आलं आहे. 'आई कुठे काय करते' या मालिकेत आजपासून अरुंधती दिसणार नाही. अरुंधतीच्या परदेशवारीला अखेर सुरुवात झाली आहे.