Tuzech Mi Geet Gaat Aahe: मल्हारच्या स्वप्नात आली आहे वैदेही; 'तुझेच मी गीत गात आहे' मालिकेचा प्रोमो व्हायरल
नुकताच तुझेच मी गीत गात आहे (Tuzech Mi Geet Gaat Aahe) या मालिकेचा प्रोमो सोशल मीडियावर व्हायरल झाला आहे.
Tuzech Mi Geet Gaat Aahe: तुझेच मी गीत गात आहे (Tuzech Mi Geet Gaat Aahe) या मालिकेमध्ये वेगवेगळे ट्वीस्ट येत असतात. नुकताच या मालिकेचा प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, मल्हारच्या स्वप्नात वैदेही येते. या प्रोमोनं अनेकांचे लक्ष वेधले आहे.
तुझेच मी गीत गात आहे या मालिकेत काही महिन्यांपूर्वी वैदेहीचा मृत्यू झाला. वैदेही ही मल्हारची पहिली पत्नी आणि स्वरा ऊर्फ स्वराज आई होती. वैदेहीच्या मृत्यूनंतर आता वैदेही सारख्या दिसणाऱ्या मंजुळाची मालिकेत एन्ट्री झाली आहे. पण मल्हारच्या स्वप्नात आता वैदेही आली आहे. तुझेच मी गीत गात आहे या मालिकेच्या प्रोमोमध्ये दिसत आहे की, मल्हार वैदेहीला म्हणतो, मला विश्वास बसत नाहीये की तू माझ्या समोर आहेस.
'तू मला परत येण्याचं वचन दिलं पण तू परत कधी नाही आला.' असं वैदेही मल्हारला म्हणते. त्यानंतर मल्हार वैदेहीला म्हणतो, 'तू रडू नकोस' यावर वैदेही म्हणते, 'रडू दे मला'
पाहा प्रोमो
View this post on Instagram
गेल्या अनेक दिवसापासून वैदेही आणि मल्हार यांची मुलगी स्वरा ही स्वराज होऊन मल्हारच्या घरी राहात आहे. स्वरा ही वैदेही आणि मल्हारची मुलगी आहे हे मल्हार आणि मोनिका यांना कळेल का? मंजुळा ही स्वरा आणि मल्हार यांच्या आयुष्यात अडचणी की आनंद आणेल? हे लवकरच तुझेच मी गीत गात आहे या मालिकेच्या पुढील भागात प्रेक्षकांना समजेल.
तुझेच मी गीत गात आहे (Tuzech Mi Geet Gaat Aahe) या मालिकेत मल्हार कामत ही भूमिका अभिनेता अभिजीत खांडकेकर (Abhijeet Khandkekar) हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे (Priya Marathe) ही साकारते आणि स्वराची आई म्हणजेच वैदेही मल्हार कामत ही भूमिका अभिनेत्री ऊर्मिला कानेटकरनं साकरली होती. आता ऊर्मिला ही या मालिकेतील मंजुळा ही भूमिका साकारत आहे.
इतर महत्वाच्या बातम्या:
महत्त्वाच्या बातम्या
