C.I.Dचा दुसरा सीझन? 'त्या' टीझरने वेधलं लक्ष; प्रेक्षकांची उत्सुकता शिगेला
C.I.D Season 2 : सीआयडीचा दुसरा लवकरच येणार असल्याच्या चर्चा सुरु झाल्या आहेत.
C.I.D Season 2 : छोट्या पडद्यावर तब्बल 20 वर्ष प्रेक्षकांचं मनोरंजन करणारी सीआयडी (C.I.D) ही मालिका आता पुन्हा एकदा चर्चेत आलेली आहे. एसीपी प्रद्युम्न, दया आणि अभिजीत ही टीमही प्रेक्षकांच्या पसंतीस उतरली होती. पण आता पुन्हा ही टीम प्रेक्षकांचं मनोरंजन करण्यासाठी सज्ज असल्याचं म्हटलं जातंय. कारण सोनी टिव्हीने नुकताच एक टीझर रिलीज करण्यात आला आहे.
या टीझरमध्ये एसीपी प्रद्युम्न हे दिसत आहेत. तसेच सीआयडीचं टायटल थीम या टीझरला जोडण्यात आलंय. त्यामुळे सीआयडी पुन्हा येणार असल्याच्या चर्चा सध्या आहेत. त्याचप्रमाणे याचा अधिकृत प्रोमो येत्या 26 ऑक्टोबर रोजी प्रदर्शित करण्यात येणार आहे. त्यामुळे या टीझरमुळे प्रेक्षकांची उत्सुकता शिगेला पोहचली आहे.
सोनी मराठीवर मराठीत सुरु होणार सीआयडी
दरम्यान काही दिवसांपूर्वीच सोनी मराठीवरही सीआयडीचा एक प्रोमो शेअर करण्यात आला. तेव्हाच ही मालिका मराठीत सुरु होणार असल्याची उत्सुकता प्रेक्षकांना होती. इंस्पेक्टर दया, इंस्पेक्टर अभिजीत आणि एसीपी प्रद्युम्न येत आहे गुन्हेगारांना धडा शिकवण्यासाठी येत आहेत. सीआयडी आता मराठीत... असा प्रोमो वाहिनीकडून शेअर करण्यात आला आहे. यावर अनेकांनी कमेंट्स त्यांची उत्सुकता व्यक्त केली आहे. तसेच सीआयडीच्या या टीमला प्रेक्षक आता मराठीत भेटण्यासाठीही सज्ज असल्याचं पाहायला मिळणार आहे.
कुछ तो गडबड हैं, दया तोड दो दरवाजा असे अनेक डॉयलॉग आता प्रेक्षकांना मराठी ऐकायला मिळणार आहेत. सीआयडी या क्राईम मालिकेचा पहिला भाग 21 जानेवारी 1998 रोजी प्रसारित झाला होता. जवळपास सलग 20 वर्ष प्रेक्षकांचं मनोरंजन केलं. त्यानंतर 2018 मध्ये 1 हजार 547 भाग प्रसारित झाल्यानंतर मालिकेने प्रेक्षकांचा निरोप घेतला.
View this post on Instagram
ही बातमी वाचा :
महत्त्वाच्या बातम्या
