Bigg Boss Marathi Season 5 : कोकण हार्टेड गर्लच्या 'त्या' प्रतिक्रियेवर निक्कीची सटकली; म्हणाली, 'वेळ आल्यावर बरोबर...', नेमकं काय घडलं?
Bigg Boss Marathi Season 5 : निक्की तांबोळी आणि अंकिता वालावलकर यांच्यामध्ये आता वादाची ठिणगी पडली असून या दोघांमध्ये राडा होणार का याची उत्सुकता सगळ्यांना लागून राहिली आहे.
Bigg Boss Marathi Season 5 : बिग बॉस मराठीचा (Bigg Boss Marathi Season 5) नवा सिझन 28 जुलै पासून सुरु झाला. पण घरात पहिल्याच दिवसापासून वादाची ठिणगी पडत असल्याचं पाहायला मिळतंय. निक्कीचा (Nikki Tamboli) आधी वर्षा उसगांवकरांसोबत (Varsha Usgaonkar) आणि आता अंकितासोबत (Ankita Prabhu Walavalkar) वाद होता होता राहिला. त्याबद्दल ती जान्हवी किल्लेकर हिच्यावजळ बोलत होती. बिग बॉस मराठीच्या घरात स्पर्धकांना पहिल्याच दिवशी खाण्यासाठी आणि पिण्यासाठी संघर्ष करावा लागला. त्यादरम्यान अनेकांना एकमेकांचं वागणं खटकलं असून आता त्यावर राडा होणार का हे पाहणं उत्सुकतेचं ठरणार आहे.
अंकिता आणि योगिता किचनमध्ये भांडी घासत असताना निक्की जान्हवीला हे सगळं सांगत असते. त्यावेळी निक्कीचा रोख हा अंकितावर होता. त्यामुळे आता निक्की आणि अंकितामध्ये लवकरच मोठा राडा होणार असल्याचं पाहायला मिळेल. पण अंकिताला ही गोष्ट कळल्यावर अंकिता काय करणार हे देखील पाहणं उत्सुकतेचं असणार आहे.
नेमकं काय घडलं?
निक्की जान्हवीला सांगते की, निखिलने मला सांगितलं की, जर तिचा सावरडो ब्रेड आला आहे तर तुझंही किनोव्हा येईल. तेव्हा निक्कीने बाहेर भांडी घासत असलेल्या अंकिताकडे बोट केलं आणि म्हणाली की तिने वाकडं तोंड केलं. हे मी त्या आरशात पाहिलं. माझी तेव्हा खूप सटकली होती. कारण भूक खूप लागली होती, त्यामुळे मी आधीच वैतागले होते. कारण तिकडे काहीतरी सुरु होतं आणि मला ते वातावरण खराब नव्हतं करायचं. पण वेळ आल्यावर बोलेन मी.छोट्या छोट्या गोष्टीवरुन मला वाद करायचा नाही. कारण माझा वाद हा वाद नसतो तर तो बतंगडा असतो. त्यामुळे निक्की आणि अंकितामध्ये आता वादाची ठिणगी पेटली असल्याचं पाहायला मिळतंय.
बिग बॉसच्या घरात खाण्यासाठी आणि पिण्यासाठी संघर्ष
बिग बॉसच्या घरात पहिल्याच दिवशी घरातलं पाणी गेलं. त्यानंतर लॅविश ब्रेकफास्ट आयोजित करुनही स्पर्धकांना त्याचा आस्वाद घेता नाही आला. त्यासाठी घरातल्या स्पर्धकांना ज्यांच्याकडे निर्णयक्षमता नाही, अशा तीन स्पर्धकांना नॉमिनेट करण्यास सांगितलं. तेव्हा घरातल्यांनी सूरज चव्हाण, इरीना आणि धनंजयला नॉमिनेट केलं. आता हे तिघं मिळून घरातल्यांसाठी काही वस्तू आणतात. त्यावरुन घरात काय राडा होणार याची उत्सुकता सगळ्यांना लागून राहिली आहे.
ही बातमी वाचा :
महत्त्वाच्या बातम्या
ट्रेंडिंग न्यूज
