Bigg Boss Marathi 5 : 'बिग बॉस मराठी'च्या घरात गुलिगत सूरज चव्हाणच्या बहिणीची एन्ट्री, बांधणार राखी; आजचा भाग ठरणार खास

Bigg Boss Marathi Season 5 : 'बिग बॉस मराठी'च्या घरात 'अबीर गुलाल'ची टीम येणार असून आज जबरदस्त कल्ला होणार आहे.

Bigg Boss Marathi Season 5 Suraj Chavan Sisters Entry

Source : Colors Marathi

Bigg Boss Marathi New Season : 'बिग बॉस मराठी'च्या कालच्या भागात 'भाऊच्या धक्क्या'वर रितेश भाऊने सदस्यांच्या आठवड्याभराच्या कारनाम्यांची शाळा घेतली. भाऊच्या धक्क्यावर काल रितेशनं सदस्यांची चांगली शाळा घेतली. आजही 'भाऊचा धक्का' विशेष असणार आहे. 'बिग बॉस मराठी'च्या घरात आज 'अबीर गुलाल' या मालिकेची टीम येणार आहे. त्यांचा जबरदस्त कल्ला पाहण्यासाठी सर्वच उत्सुक आहेत. आजच्या भागात सूरज चव्हाणच्या 'बहिणीची एन्ट्री' होणार आहे.

सूरज चव्हाणला मिळणार नवी बहिण

'भाऊच्या धक्क्या'च्या आजच्या भागाचा एक प्रोमो समोर आला आहे. प्रोमोमध्ये 'बिग बॉस मराठी'च्या घरात 'अबीर गुलाल' या मालिकेतील कलाकार करणार कल्ला करताना दिसत आहेत. अक्षय केळकर हा 'बिग बॉस मराठी'च्या तिसऱ्या सीझनचा विजेता होता. तर गायत्री दातार 'बिग बॉस मराठी सीझन 3'मध्ये सहभागी झाली होती. त्यामुळे 'बिग बॉस मराठी'च्या घरात जाऊन ते या सीझनमधील सदस्यांना मार्गदर्शन करताना दिसणार आहेत. यावेळी श्री अर्फ पायल जाधव सूरज चव्हाणला राखी बांधणार आहे. 

'अबीर गुलाल'ची टीम बिग बॉसच्या घरात

अक्षय केळकर (अगस्त्य), गायत्री दातार (शुभ्रा) आणि पायल जाधव (श्री) या कलाकारांनी सदस्यांना एक मजेदार टास्कदेखील दिला आहे. 'बिग बॉस मराठी'च्या घरातील सगळे सदस्य ट्रॉफीसाठी लढत आहेत. त्यामुळे कारस्थानी काका, आगलावी आत्या, खाष्ट सासू, भांडकुदळ बहिण, रडकी सून, पाहुणा कलाकार अशा वेगवेगळ्या कॅटेगरीतील ट्रॉफी सदस्यांनीच एकमेकांना दिलेल्या आजच्या भागात दिसून येतील.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

 

'या' आठवड्यात नॉमिनेट झालेले सदस्य

'बिग बॉस मराठी'च्या तिसऱ्या आठवड्यात सूरज चव्हाण, योगिता चव्हाण, निखिल दामले आणि अभिजीत सावंत हे सदस्य नॉमिनेट झाले आहेत. आजच्या भागात एक ट्विस्टही पाहायला मिळणार आहे. त्यामुळे हा ट्विस्ट काय असेल आणि आता या चौघांपैकी या आठवड्यात कोण 'बिग बॉस मराठी'च्या घराबाहेर जाणार हे पाहावे लागेल.

महत्त्वाच्या इतर बातम्या :