Bigg Boss Marathi 5 : पॅडी म्हणतोय 'डबल ढोलकी', नेटकरी म्हणाले 'स्पाय'; पुणेकर निखिल दामलेचा नेमका गेम काय?

Nikhil Damale : बिग बॉस मराठीच्या घरात पहिल्याच आठवड्यात राडा दिसून येत असल्यामुळे प्रेक्षकांना मनोरंजनाचा डोस मिळाला आहे.

Bigg Boss Marathi 5 Nikhil Damle is Double Dholki or Spy

Source : Colors Marathi

मुंबई : बिग बॉस मराठीच्या (Bigg Boss Marathi 5) नवं सीझन पहिल्याच आठवड्यापासून तुफान चर्चेत आलं आहे.  कलर्स मराठीच्या 'रमा राघव' या मालिकेत राघवची मुख्य भूमिका साकारून प्रेक्षकांची मने जिंकणारा निखिल दामले (Nikhil Damle) आता 'बिग बॉस मराठी'च्या घरात धमाका करायला सज्ज झाला आहे. पुणेकर निखिल दामले याने आपल्या दर्जेदार अभिनयाने प्रेक्षकांना भुरळ पाडली आहे आणि आता 'बिग बॉस'च्या घरात तो वेगळ्या अंदाजात मनोरंजन करताना दिसत आहे.

बिग बॉसच्या घरात भांडण तर दुसरीकडे गॉसिप

बिग बॉस मराठीच्या घरात एकीकडे भांडण तर दुसरीकडे गॉसिप असं चित्र दिसत आहे. पहिल्याच आठवड्यापासून बिग बॉसच्या घरात ग्रुप बनताना दिसत आहे. पण, हा ग्रुप बनण्याआधीच या ग्रुपमध्ये भांडणं सुरु झाली आहे. कोण कुणाच्या बाजूने बोलतंय, तर कोण कुणाला जाऊन सांगतोय.  बिग बॉसच्या घरामधील सद्यपरिस्थिती पाहता बिग बॉस मराठीच्या घरातील स्पाय कोण आहेत, ते हळूहळू समोर येताना दिसत आहेत.

बिग बॉसच्या घरातील स्पाय कोण?

बिग बॉस मराठीच्या नवीन प्रोमोमध्ये आर्याबद्दल गॉसिप होताना दिसत आहे. पंढरीनाथ कांबळे उर्फ पॅडी आर्याबद्दल बोलताना दिसत आहे. आर्याच्या वागण्यावर अभिजीत आणि पॅडी यांच्यात चर्चा सुरु असताना तिथे  सूरज आणि घनश्यामही बसलेले असतात. यावेळी पॅडी म्हणतो की, "तिने आजपण उडी घातली आणि त्यानंतर आपल्याला येऊन सांगते". यावर अभिजीत म्हणतो, "ग्रुप बनवू असं तू आम्हाला सांगायला येत असशील, तर विनंती कर." त्यावर पॅडी पुढे सांगतो की, त्याला आर्या आणि निखिल बिग बॉसच्या घरातील स्पाय वाटत आहेत. 

पुणेकर निखिल दामलेबद्दल नेटकऱ्यांची प्रतिक्रिया

 

 

 

 

 

View this post on Instagram

 

 

 

 

 

 

 

 

 

 

 

A post shared by Nikhil Damle (@nikhil_damle)

दुसऱ्या एका प्रोमोमध्ये निक्की सोबत भांडणानंतर आर्या घरातील इतर सदस्यांना ग्रुप बनवू असं सांगत असते. यावेळी निखिल दामले अरबाज आणि वैभवला आतमध्ये काय सुरु आहे, हे सांगताना दिसत आहे. दरम्यान, यानंतर निखिल दामले 'डबल ढोलकी' असल्याची टीका नेटकऱ्यांनी केली आहे. पॅडीला निखिल स्पाय वाटत आहे, तर नेटकऱ्यांनी त्याला 'डबल ढोलकी' टॅग दिला आहे. याशिवाय याआधी अभिजीत सावंतलाही नेटकऱ्यांनी 'डबल ढोलकी' म्हटलं आहे. 

'डबल ढोलकी' की 'स्पाय'?

बिग बॉसच्या घरातील प्रत्येक अपडेटवर नेटकरी कमेंट करुन प्रतिक्रिया देताना दिसत आहे. काहींनी निखिल दामले 'डबल ढोलकी'असल्याचं म्हटलं आहेत. एकाने कमेंट करत लिहिलंय, निखिल दामले ❌ निखिल चोमडे ✅. दुसऱ्याने लिहिलंय, अभिजित आणि निखिल अल्ट्रा प्रो मॅक्स डबल ढोलकी आहेत. आणखी एकाने लिहिलंय, "सांगतोय पण स्वत:च तुम्हाला वाटेल मी डबल ढोलकी आहे. आहेस तर त्याच वाटायचं काय, चुगलीखोर काका" 

महत्त्वाच्या इतर बातम्या :