Bigg Boss Marathi 3: बिग बॉस मराठीच्या घरात नव्या आठवड्यात येणार नवे ट्विस्ट

Bigg Boss Marathi 3: बिग बॉस मराठीच्या घराचा काल तृप्ती देसाईंनी निरोप घेतला. येत्या आठवड्यात घरात नवे ट्विस्ट येणार आहेत.

bigg_boss_marathi_3

Bigg Boss Marathi 3: बिग बॉस मराठीच्या घरामधून काल तृप्ती देसाई बाहेर पडल्या आहेत. घरात आता 11 सदस्य उरले आहेत. त्यामुळे खेळ अधिकच रंजक होत चालला आहे. आता नवा आठवडा सुरू झाला असून आठवड्याच्या सुरुवातीलाच सदस्यांमध्ये भांडण, वादविवाद आणि नवे ट्विस्ट बघायला मिळणार आहेत. या आठवड्यात बिग बॉस मराठीच्या घरात न 'भूतो न भविष्यती' गोष्ट घडणार आहे. आजच्या भागात घरातील कोणते सदस्य घराबाहेर जाणार हे कॅप्टन मीरा ठरवणार आहे. 

बिग बॉस मराठीच्या घरात घरातील नाती बदलताना दिसून येत आहेत. मीनल आणि विकासच्या मैत्रीतदेखील दुरावा आल्याचे विकासच्या बोलण्यावरुन दिसून येत आहे. मीनल आज तिचा ग्रुप सोडून दुसऱ्या ग्रुपमधील सदस्यांसोबत गप्पा मारताना दिसून येणार आहे. बिग बॉस मराठीच्या घरामध्ये सदस्यांना कोणाचा पाठिंबा आहे आणि कोणाचा नाही हे जाणून घेणे खूप महत्वाचे असते. 

एखादा सदस्य चांगला स्पर्धक आहे म्हणून, कधी सदस्यांतील मैत्री, तर कधी दिलेला शब्द पाळण्यासाठी घरातील सदस्य दुसऱ्या सदस्याला वाचवताना दिसून येतात. तर कधी नॉमिनेशनमध्ये टाकत असतात. फक्त नॉमिनेशनच नाही तर आपल्या जवळचा माणूस या बिग बॉस मराठीच्या घरात लाभण वा तो आपल्यासोबत असण खूप महत्वाचंअसतं. आज मीरा आणि उत्कर्ष याचविषयी चर्चा करताना दिसणार आहेत. 

मीरा उत्कर्षला म्हणाली,"आतापर्यंत जे घडलं ते ठीक आहे. जय आणि स्नेहा एकमेकांसाठी असणार आहेत. पण तुझ्यासोबत कोण आहे"? त्यावर उत्कर्ष म्हणाला, "तु". मीरा म्हणाली,"नाही.. मी आणि गायत्री आम्ही दोघी तुला सपोर्ट करायचो. आता असं वागल्यावर तुला सगळ्यांसमोर सपोर्ट करणार नाही". उत्कर्ष म्हणाला,"नका करू, तुम्ही तुमचा गेम खेळा".  

बिग बॉस मराठीच्या घरात टास्कदरम्यान सदस्यांमध्ये वादावादी, भांडण, धक्केबुक्के होणं काही नवीन नाही. आज घरात आठवड्याच्या पहिल्याच दिवशी मीनल आणि गायत्रीचे जोरदार भांडण होणार आहे.