एक्स्प्लोर

Tiku Weds Sheru : Kangana Ranaut करणार सिने-निर्मिती व्यवसायात पदार्पण, सिनेमात Nawazuddin Siddiqui असणार मुख्य भूमिकेत

Tiku Weds Sheru: लवकरच कंगना रनौत निर्माती म्हणून प्रेक्षकांच्या भेटीला येणार आहे. या सिनेमाचा पहिला लूकदेखील प्रेक्षकांच्या समोर आला आहे.

By : एबीपी माझा वेबटीम | Edited By: मंजिरी पोखरकर | Updated at : 08 Nov 2021 05:03 PM (IST)

Tiku Weds Sheru: Kangana Ranaut to make film debut, Nawazuddin Siddiqui to play lead role Tiku Weds Sheru : Kangana Ranaut करणार सिने-निर्मिती व्यवसायात पदार्पण, सिनेमात Nawazuddin Siddiqui असणार मुख्य भूमिकेत

कंगना_रनौत

Tiku Weds Sheru: कंगना रनौतने (Kangana Ranaut) एक अभिनेत्री म्हणून प्रचंड लोकप्रियता मिळवली आहे. कमी वेळात तिने खूपच लांबचा पल्ला गाठला आहे. कंगनाने अभिनयासोबत आता नव्या इनिंगला सुरुवात केली आहे. कंगना निर्माती म्हणून प्रेक्षकांच्या भेटीला येणार आहे. त्या सिनेमात नवाजुद्दीन सिद्दीकी (Nawazuddin Siddiqui) मुख्य भूमिकेत आहेत.

लवकरच कंगना सिने-निर्माती म्हणून प्रेक्षकांच्या भेटीला येणार आहे. कंगना सिने- निर्मिती व्यवसायात पदार्पण करणार असल्याचे तिने आधीच जाहीर केले होते. आता या सिनेमाचा पहिला लूक समोर आलेला असून चित्रपटाच्या शूटिंगलादेखील सुरुवात केली आहे. कंगनाच्या या सिनेमाचे नाव 'टीकू वेड्स शेरू' (Tiku Weds Sheru) असे आहे. या सिनेमात नवाजुद्दीन सिद्दीकी (Nawazuddin Siddiqui) मुख्य भूमिकेत असणार आहेत. नवाजुद्दीन सिद्दीकीसह सिनेमात छोट्या पडद्यावरची अभिनेत्री अवनीत कौर (Avneet Kaur) देखील मुख्य भूमिकेत आहेत. सिनेमाच्या पोस्टरमध्ये अवनीत कौरचा ग्लॅमरस अंदाज पाहायला मिळतो आहे.

View this post on Instagram

A post shared by Kangana Thalaivii (@kanganaranaut)

कंगनाने सिनेमाचे तीन पोस्टर प्रदर्शित केले आहेत. त्यातील एका पोस्टरमध्ये नवाज आणि अवनीत एकत्र दिसून येत आहेत. नवाजुद्दीनचा धमाकेदार पोस्टर शेअर करत कंगनाने लिहिले होते," आम्ही जेव्हा भेटतो तेव्हा मनापासून भेटतो. नाहीतर स्वप्नातदेखील भेटत नाही. भेटा शिराज खान उर्फ शेरूला".

View this post on Instagram

A post shared by Kangana Thalaivii (@kanganaranaut)

अवनीत कौरचे पोस्टर शेअर करत कंगनाने लिहिले आहे,"चंद्रापर्यंतचा प्रवास करा. आणि तस्लीम खान उर्फ टिकूला भेटा". सिनेमाचे तिसरे पोस्टर शेअर करत कंगनाने लिहिले,"निर्माती म्हणून सुरू झालेला प्रवास नक्कीच खास आहे. मणिकर्णिका फिल्म्सची निर्मिती असलेला 'टीकू वेड्स शेरू' सिनेमाची पहिली झलक तुमच्या समोर घेऊन येत आहे. हा सिनेमा तुम्हाला नक्की आवडेल अशी आशा आहे. सिनेमाचे शूटिंगला सुरूवात झाली आहे".