Ankur Wadhave : "लग्नाच्या दुसऱ्या दिवसापासून...";'चला हवा येऊ द्या' फेम अंकुर वाढवेची पत्नीसाठी खास पोस्ट

Ankur Wadhave : अंकुर वाढवेने पत्नीच्या वाढदिवसानिमित्त खास पोस्ट लिहिली आहे.

Ankur Wadhave

Ankur Wadhave : 'चला हवा येऊ द्या' (Chala Hawa Yeu Dya) या कार्यक्रमाच्या माध्यमातून घराघरांत पोहेचलेला अभिनेता अंकुर वाढवेला (Ankur Wadhave) अल्पावधीतच प्रेक्षकांचं प्रेम मिळालं आहे. अंकुर सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असतो. आता पत्नीच्या वाढदिवसानिमित्त त्याने खास पोस्ट लिहिली आहे.

अंकुर वाढवेची काय पोस्ट आहे? (Ankur Wadhave Post)

अंकुरने लिहिलं आहे,"प्रिय बायको, व्यस्तातला व्यस्त वेळ तुझ्यासाठी... झोपेची अर्धी झोप तुझ्यासाठी...ओलांडली सीमा प्रेमाची तुझ्यासाठी... माझा कण नी कण तुझ्यासाठी...माझं मी पण तुझ्यासाठी. आयुष्य काय आहे? त्यापेक्षा जे महत्त्वाचं ते तुझ्यासाठी". 

अंकुरने पुढे लिहिलं आहे,"सतत कामात काम हेच परम ध्येय या वृत्तीचा मी आहे. लग्नाच्या दुसऱ्या दिवसापासून ते महत्त्वाच्या अनेक प्रसंगी तुला सोडून कामाला महत्त्व दिले आहे. त्याला तू तेवढचं समजून घेतलं. काल तुझा वाढदिवस आणि शेड्यूल कॅन्सल झाल्याचा आनंद फक्त मला माहिती आहे. म्हणूनच तुला सरप्राइज देण्यासाठी कोणाला काहीही न सांगता घरी आलो". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ankur Vitthalrao Wadhave (@ankur_wadhave_official)

अंकुरच्या वाढवेच्या पोस्टवर चाहत्यांसह सेलिब्रिटींनीदेखील कमेंट्स केल्या आहेत. 'वाढदिवसाच्या शुभेच्छा वहिनीसाहेब', 'वाढदिवसाच्या खूप-खूप शुभेच्छा वहिनी', अशा कमेंट्स चाहत्यांनी केल्या आहेत. अंकुरने खास पोस्ट शेअर बायकोसोबतचा फोटो शेअर केला आहे. 

'चला हवा येऊ द्या' या लोकप्रिय कार्यक्रमातील धमाल उडवून देणारं एक महत्त्वाचं पात्र म्हणजे अंकुर वाढवे. शरीराची उंची जरी कमी असली तरी त्याच्या अभिनयाच्या उंचीचे मात्र प्रेक्षकांसह दिग्गजांकडून कौतुक होत आहे. अंकुर वाढवेने करून गेलो गाव, गाढवाचं लग्न, सर्किट हाऊस ,आम्ही सारे फर्स्ट क्लास , सायलेन्स , कन्हैय्या यांसारख्या नाटकांत काम केलं आहे. अनेक सिनेमांचादेखील तो भाग आहे. आता त्याने दिग्दर्शनात पदार्पण केलं आहे. 

अंकुर वाढते सोशल मीडियावर चांगलाच अॅक्टिव्ह आहे. सोशल मीडियाच्या माध्यमातून तो चाहत्यांच्या संपर्कात राहण्याचा प्रयत्न करत असतो. इंस्टाग्रामवर त्याचे 34.5k फॉलोअर्स आहेत. 'व्यक्ती आणि प्रवृत्ती' हे अंकुरचं नाटक आता प्रेक्षकांच्या भेटीसाठी सज्ज आहे. 

संबंधित बातम्या