Mumbai News: नवा गडी नवं राज्य फेम बालकलाकार साईशा भोईरच्या आईच्या विरोधात फसवणुकीचा गुन्हा दाखल; लाखो रुपयांची फसवणूक केल्याचा आरोप
साईशा भोईरच्या आईच्या विरोधात कफ परेड पोलिसात दाखल करण्यात आलेल्या तक्रारीवरून आज पोलिसांनी साईशाच्या कल्याण मधील घरात झाडाझडती घेतली आहे.
Mumbai News: छोट्या पडद्यावरील रंग माझा वेगळा (Rang Maza Vegla) या लोकप्रिय मालिकेमधील कार्तिकी या भूमिकेमुळे आणि नवा गडी नवं राज्य (Nava Gadi Nava Rajya) या मालिकेतील चिंगी या भूमिकेमुळे बालकलाकार साईशा भोईरला (Saisha Bhoir) विशेष लोकप्रियता मिळाली. साईशा भोईरच्या आईच्या विरोधात कफ परेड पोलिसात दाखल करण्यात आलेल्या तक्रारीवरून आज पोलिसांनी साईशाच्या कल्याण मधील घरात झाडाझडती घेतली आहे.
मुंबई कुलाबा परिसरात राहणारे मयुरेश पत्की यांची पत्नी नेहा यांची 2022 दरम्यान साईशा भोईरची आई पूजा भोईरशी ओळख झाली होती.पूजा भोईरची (Pooja Bhoir) मुलगी साईशाचा अभिनय अवडत असल्यानं नेहा या साईशाला इंस्टाग्रामवर फॉलो करत होत्या. साईशा भोईर हिचे अकाउंट तिची आई पूजा भोईर ही वापरत होती. त्यामुळे इंस्टाग्रामवर नेहा आणि पूजा भोईर यांची ओळख झाली. नेहा आणि पूजा या दोघी मोबाईल वरून एकमेकांच्या संपर्कात राहिल्या.त्यांची फोनवर चांगलीच मंत्री झाली होती. पूजा ही अल्गो ऑप्शन्स स्ट्रेटरी मॉडेल्स नावाने गुंतवणुकीचा व्यवसाय करत असल्याचे तिनं नेहा यांना सांगितलं. तसेच केलेल्या गुंतवणुकीवर आठवड्यास दहा दहा टक्के नफा मिळून देण्याचे आमिश दाखवून नेहा यांचा विश्वास संपादन करून पूजाने गुंतवणुकीची रक्कम परत मिळेल याची हमी देऊन नेहा यांना अल्गो ऑप्शन्स स्ट्रेटरी यात गुंतवणूक करण्यास प्रवृत्त केले.
त्यानंतर नेहा पत्की यांनी पूजा भोईरच्या आयडीबीआय बँकेच्या खात्यावर सहा लाख रुपये टाकले. असे करता करता पुढे नेहा यांनी सोळा लाख रुपये गुंतवणूक केली. काही दिवस गुंतवणुकीचा परतावा मिळाला. मात्र नंतर हा परतावा देण्यास पूजाने टाळाटाळ केली. पूजानं नेहा यांना परताव्याचा चेक देखील दिला होता मात्र तो चेक बाऊन्स झाला याबाबत नेहा यांनी पुजाला विचारले असता तिने तक्रारदाराला आरेरावीचे उत्तर दिले. अखेर याप्रकरणी कफ परेड रोड पोलिसांनी पूजा भोईरच्या कल्याण मधील घरात छापमारी करत पूजा भोईरला ताब्यात घेतले आहे.
साईशा भोईरला इन्स्टाग्रामवर जवळपास 229K फॉलोवर्स आहेत. सायशा ही सध्या नवा गडी नवं राज्य या मालिकेमधून प्रेक्षकांच्या भेटीस येत आहे.
View this post on Instagram
संबंधित बातम्या
Rang Maza Vegla : 'रंग माझा वेगळा' उत्कंठावर्धक वळणावर; कार्तिक घेणार दीपाचा जीव?
महत्त्वाच्या बातम्या
