Bigg Boss Marathi: महाट्रॉफी, 15 लाख अन्... रितेश भाऊंकडून तन्वी कोलतेला मिळाली खास भेटवस्तू, झाली भावुक
Tanvi Kolte Lifts Bigg Boss Marathi 6 Trophy: तन्वी कोलते बिग बॉस मराठी 6 ची विनर ठरली.
Tanvi Kolte Crowned Winner of Bigg Boss Marathi 6: रत्नागिरीच्या निसर्गात जन्मलेल्या तन्वी कोलतेनं (Tanvi Kolte) बिग बॉस मराठीच्या (Bigg Boss Marathi) सहाव्या सिझनची ट्रॉफी जिंकली. (Bigg Boss Marathi) बिग बॉसच्या क्विनने महाट्रॉफीवर आपलं नाव कोरंल. राकेश बापट हा उपविजेता ठरला. टॉप 5 स्पर्धकांमध्ये तन्वी कोलते, राकेश बापट, विशाल कोटियन, दिपाली सय्यद आणि अनुश्री माने या नावांचा समावेश होता. तिकीट टू फिनालेचा मान पटकावल्याने तन्वीच या सीझनची विजेती होणार, अशी चर्चा रंगली होती. ही चर्चा अखेर खरी ठरली. तन्वीनेच बिग बॉसच्या महाट्रॉफीवर आपलं नाव कोरलं. आता तन्वी कोलतेचं विशेष कौतुक होत आहे. तन्वीला महाट्रॉफीसह भरपूर भेटवस्तू मिळाल्या आहेत. धनादेशसह तिला रितेश देशमुखकडून खास भेटवस्तू मिळाली आहे. नेमकी कोणती भेटवस्तू मिळाली आहे? पाहूयात.
बिग बॉसच्या महाट्रॉफीवर तन्वी कोलतेनं कोरलं आपलं नाव (Tanvi Kolte Bigg Boss Marathi Season 6 winner)
तन्वीचं नाव विजयी म्हणून घोषित केल्यानंतर तिचा आनंद गगनात मावेनासा झाला. तिला बिग बॉसची चमकदार महाट्रॉफी मिळाली. तसेच तिला तब्बल 15 लाख रुपयांचा चेक देखील मिळाला. विशेष म्हणजे तिला पु. ना. गाडगीळ अँड सन्स यांच्याकडूनही 10 लाख रुपयांचे विशेष Voucherही मिळाले. इतकेच नाही तर, तुनवाल ई - मोटार्सकडून ई बाईकही मिळाली आहे. तन्वीने बक्षीसच्या स्वरुपात इतक्या गोष्टी जिंकल्या आहे. परंतु, या व्यतिरिक्त तिला एक खास भेटवस्तू मिळाली आहे. तिला ही भेटवस्तू रितेश देशमुखकडून मिळाली आहे.
तन्वी कोलतेला रितेश देशमुखकडून खास भेटवस्तू (Gifts and prize money won by Tanvi Kolte BB Marathi)
रितेश देशमुखकडून तन्वी कोलतेला खास भेटवस्तू मिळाली आहे. रितेशने तन्वीला विजेता म्हणून घोषित केल्यानंतर छत्रपती शिवाजी महाराज यांचे छायाचित्र असलेली फ्रेम भेट म्हणून दिली. छत्रपती शिवाजी महाराज यांची फ्रेम पाहताच तन्वी कोलते प्रचंड भावुक झाली. तिचा आनंद गगनात मावेनासा झाला. तिनं ही भेटवस्तू घेऊन रितेश भाऊंचे विशेष आभार मानले. माहितीनुसार, रितेश देशमुखचा आगामी 'राजा शिवाजी' हा चित्रपट प्रदर्शित होणार आहे. या सिनेमात तगड्या कलाकारांची फौज पाहायला मिळत आहे. रिेतेश देशमुख मुख्य भूमिकेत झळकणार असून, हा सिनेमा 1 मे ला सिनेमागृहात रिलीज होणार आहे.
मध्यवर्गीय कुटुंबात वाढलेल्या तन्वीने आपल्या आयुष्यात बरेच चढ उतार पाहिले. रत्नागिरीतून मुंबईत नशीब उजळवण्यासाठी आली. कोणताही गॉड फादर नसूनही तन्वीने सिनेइंडस्ट्रीत पाऊल ठेवलं. तसेच मालिकांमधून प्रेक्षकांच्या मनात घर तयार केलं. करिअरचा आलेख चढत असताना तिच्या वडिलांची तब्येत ढासळली होती. मात्र, तरीही तिनं फॅमिली सांभाळून आपलं करिअरमध्ये काम केलं. आज ती बिग बॉसची विनर ठरली आहे.
महत्त्वाच्या इतर बातम्या:
तन्वी कोलते बिग बॉस विनर! सीजन 6 गाजवून महाट्रॉफी नावावर, राकेश बापट उपविजेता
महत्त्वाच्या बातम्या
