OTT Thriller Webseries: ‘आश्रम’चा थरार आवडला असेल तर या 7 सीरिज पाहाच; क्राइम, सत्ता अन् सस्पेन्सचा धडाका, वीकेंडसाठी लगेच सेव्ह करा
OTT Thriller Series: जर तुम्हाला बॉबी देओलची ‘आश्रम’ ही वेब सीरिज आवडली असेल आणि त्याच धाटणीच्या थ्रिलिंग वेब सीरिज पाहायच्या असतील, तर हा लेख तुमच्यासाठीच आहे.
OTT Series: ओटीटीवर क्राइम, सस्पेन्स आणि थ्रिलर कंटेंट पाहण्याची आवड असेल आणि ‘आश्रम’मधील बाबा निरालाचा पॉवर गेम तुम्हाला भावला असेल, तर तुमच्यासाठी ही लिस्ट खास आहे. ‘आश्रम’सारखाच थरार, गुन्हेगारी, सत्ता, राजकारण आणि रहस्याचा जबरदस्त डोस देणाऱ्या 7 हिंदी वेब सीरिज (Web Series) आम्ही घेऊन आलो आहोत. वीकेंडला काय पाहायचं, असा प्रश्न पडला असेल तर ही लिस्ट नक्की सेव्ह करून ठेवा. (OTT Release)
1. अनदेखी
OTT - SonyLIV
थीम - सत्ता, गुन्हेगारी आणि सस्पेन्स
ताकदवान आणि प्रभावशाली लोक कायद्याला आपल्या खिशात कसं ठेवतात आणि गुन्हे लपवण्यासाठी कोणत्या थराला जाऊ शकतात, हे या सीरिजमध्ये दाखवण्यात आलं आहे. अटवाल कुटुंबातील वारसाच्या लग्नसोहळ्यात संतापाच्या भरात एका नर्तकीची हत्या केली जाते. तिचा शोध घेण्यासाठी एक पोलीस अधिकारी येतो, तर एक फिल्म क्रू अटवाल कुटुंबाच्या या घृणास्पद गुन्ह्याचा पर्दाफाश करण्याचा प्रयत्न करत असतो. मात्र, अटवाल कुटुंब आपला गुन्हा लपवण्यासाठी आणि मार्गातील अडथळे दूर करण्यासाठी कोणत्याही थराला जाण्यास तयार असते. अशी या वेबसिरीजची कथा आहे.
2. दहन: राकन का रहस्य
OTT - JioHotstar
थीम - अंधश्रद्धा आणि रहस्य
‘आश्रम’प्रमाणेच ही सीरिजही अंधश्रद्धा, जुन्या परंपरा आणि आधुनिक विचारसरणी यांच्यातील संघर्ष एका डार्क थ्रिलरच्या माध्यमातून दाखवते. एक बदनाम IAS अधिकारी स्वतःला निर्दोष आणि योग्य सिद्ध करण्यासाठी शिलासपुरा या गूढ प्रथा-परंपरांनी वेढलेल्या ठिकाणी पोहोचतो आणि तिथल्या एका विचित्र प्रकरणाचा तपास हाती घेतो.
3. द रेलवे मेन
OTT - Netflix
थीम - सर्व्हायव्हल ड्रामा आणि भ्रष्ट व्यवस्था
भोपाळ गॅस दुर्घटनेवर आधारित ही सीरिज ढिसाळ कारभार आणि भ्रष्ट व्यवस्थेमुळे सामान्य नागरिकांचा जीव कसा धोक्यात येतो, हे दाखवते. 2 डिसेंबर 1984 च्या रात्री निर्माण झालेल्या भीषण परिस्थितीत या कर्मचाऱ्यांनी सर्व अडचणींवर मात करत आपल्या सहकारी नागरिकांचे प्राण वाचवण्यासाठी अथक प्रयत्न केले यावर ही सिरीज आहे.
4. पाताल लोक
OTT - Amazon Prime Video
थीम - तपास आणि सोशल थ्रिलर
भारतीय समाज, राजकारण आणि भ्रष्ट व्यवस्थेचं कटू वास्तव या सीरिजमधून समोर येतं. एका क्राइम इन्व्हेस्टिगेशनच्या माध्यमातून समाजातील वेगवेगळ्या स्तरांचे अनेक पैलू उलगडले जातात.
5. रंगबाज
OTT - ZEE5
थीम - वास्तविक गुन्हेगारी आणि गन कल्चर
उत्तर प्रदेश आणि बिहारमधील वास्तविक गँगस्टर आणि राजकारणातील साटेलोट्यावर आधारित ही सीरिज प्रत्येक सीझनमध्ये एक वेगळी आणि डार्क कथा घेऊन येते.
6. असुर
OTT - JioHotstar
थीम - पौराणिक कथा आणि सायकोलॉजिकल थ्रिलर
भारतीय पौराणिक कथा, मानसशास्त्र आणि आधुनिक गुन्हेगारी यांचा अनोखा मेळ या सीरिजमध्ये पाहायला मिळतो. सस्पेन्स आणि थ्रिलरच्या चाहत्यांसाठी ही सीरिज मस्ट-वॉच आहे.
7. मिर्झापूर
OTT - Amazon Prime Video
थीम - क्राइम, सत्ता आणि राजकारण
जर तुम्हाला ‘आश्रम’मधील बाबा निरालाचा पॉवर गेम आणि त्याचा दबदबा आवडला असेल, तर पूर्वांचलमधील राजकारण आणि कालीन भैय्याचा दरारा नक्कीच आवडेल.
महत्त्वाच्या बातम्या
