सलमान खानच्या गॅलेक्सी अपार्टमेंटबाहेर तैनात पोलीस कॉन्स्टेबलचा मृत्यू; नेमकं घडलं काय?
प्रकृती अचानक बिघडल्यानंतर तातडीने त्यांना भाभा रुग्णालयाच्या आपत्कालीन विभागात दाखल करण्यात आले. मात्र, डॉक्टरांनी त्यांना मृत घोषित केले.
Salman Khan: बॉलीवूड अभिनेता सलमान खानच्या (Salman Khan) मुंबईतील गॅलेक्सी अपार्टमेंटच्या (Galexy Apartment) बाहेर सुरक्षेसाठी तैनात असणाऱ्या पोलीस कर्मचाऱ्याचा (Police Constable Death) मृत्यू झाल्याचं समोर आलं आहे. गणेश रायते (41) असं या कॉन्स्टेबलचं नाव होतं. हृदयविकाराच्या झटक्याने त्यांचा मृत्यू झाल्याची प्राथमिक माहिती आहे. गुरुवारी संध्याकाळी 'गॅलेक्सी अपार्टमेंट' बाहेर गार्ड ड्युटीवर असताना त्यांना अचानक अस्वस्थ वाटू लागले. प्रकृती अचानक बिघडल्यानंतर तातडीने त्यांना भाभा रुग्णालयाच्या आपत्कालीन विभागात दाखल करण्यात आले. मात्र, डॉक्टरांनी त्यांना मृत घोषित केले.
गँगस्टर लॉरेन्स बिश्नोई गॅंगकडून सातत्याने मिळणाऱ्या धमक्यांमुळे अभिनेता सलमान खानला Y + दर्जाची सुरक्षा व्यवस्था पुरवण्यात आली आहे. या पार्श्वभूमीवर त्याच्या वांद्रे येथील गॅलेक्सी अपार्टमेंटबाहेर 24 तास पोलिसांचा मोठा ताफा तैनात असतो. काही दिवसांपूर्वी या अपार्टमेंट बाहेर गोळीबाराची घटना घडल्याने परिसरातील सुरक्षा व्यवस्था कडक करण्यात आली होती.
नेमकं घडलं काय?
अभिनेता सलमान खानच्या वांद्रे येथील गॅलेक्सी अपार्टमेंट बाहेर सुरक्षेसाठी तैनात करण्यात आलेल्या पोलीस कॉन्स्टेबलचा दुर्दैवी मृत्यू झाला आहे. हृदयविकाराच्या झटक्याने कॉन्स्टेबल गणेश रायते यांचा मृत्यू झाल्याची माहिती आहे. कॉन्स्टेबल गणेश रायते हे मुंबईच्या LA-4 विभागात कार्यरत होते. सलमान खानचा निवासस्थानाबाहेर त्यांची गार्ड ड्यूटी लावण्यात आली होती. बुधवारी संध्याकाळी सहा वाजताच्या सुमारास त्यांना अस्वस्थ वाटू लागले. प्रकृती अचानक बिघडल्याचं कळताच त्यांना भाभा रुग्णालयाच्या आपत्कालीन विभागात दाखल करण्यात आलं. मात्र डॉक्टरांनी तपासल्यानंतर त्यांना मृत घोषित केलं. प्राथमिक माहितीनुसार, त्यांचा उदयविकाराच्या झटक्याने मृत्यू झाला. गणेश रायते हे लष्करातून मुंबई पोलिसांमध्ये भरती झाले होते. कर्तव्यावर असताना घडलेल्या या घटनेमुळे पोलीस दलातून हळहळ व्यक्त केली जात आहे. मुंबई पोलिसांनी या प्रकरणी अकस्मात मृत्यूची नोंद केली असून पुढील कायदेशीर प्रक्रिया सुरू केली आहे.
महत्त्वाच्या बातम्या
