करोडपती अभिनेत्यावर 'काय ती वेळ'? रस्त्याच्याकडेला हापश्यावर कपडे धुताना दिसला; VIDEO व्हायरल
Sunil Grovers Grounded Nature Impresses Fans Again: सुनील ग्रोव्हरचा हँडपंपवर कपडे धुतानाचा व्हिडिओ व्हायरल. नेटकऱ्यांकडून कौतुक.
Sunil Grover simple lifestyle wins internet hearts: विनोदी कलाकार सुनील ग्रोव्हर कायम कोणत्या न कोणत्या कारणामुळे चर्चेत असतो. त्यानं आपल्या अभिनयाच्या जोरावर यशाची उंची गाठली. द कपिल शर्मा शो या कार्यक्रमातून त्याला विशेष प्रसिद्धी मिळाली. त्यानंतर त्याला बॉलिवूड चित्रपटांमध्येही प्रमुख भूमिका साकारण्याची संधी मिळाली. तो सोशल मीडियातही प्रचंड चर्चेत असतो. त्याचे कॉमेडी व्हिडिओ समाजमाध्यमांमध्ये व्हायरल होतात. सध्या त्याचा एक नवीन व्हिडिओ सोशल मीडियात व्हायरल होत आहे. त्याचा हा व्हायरल व्हिडिओ पाहून चाहते थक्क झाले आहेत.
सुनील ग्रोव्हरनं अलिकडेच एक व्हिडिओ सोशल मीडियत शेअर केला आहे. रस्त्याच्या कडेला हँडपंप दिसत आहे. त्यानं हँडपंपखाली बादली ठेवली आहे. तो हँडपंपच्या शेजारी बसून कपडे धुताना दिसत आहे. तो स्वत: हँडपंप चालवत होता. त्यानंतर त्याच्या मागे उभे असलेला व्यक्ती सुनील ग्रोव्हरच्या मदतीला येतो. इतक्या मोठ्या विनोदी कलाकाराला हँडपंपवर कपडे धुताना पाहून, अनेकांनी आश्चर्य व्यक्त केला. सुनील ग्रोव्हरनं हा व्हिडिओ सोशल मीडियात शेअर केला आहे.
त्याचे चाहते सुनीलच्या साधेपणावर फिदा झाले आहेत. हा व्हिडिओ सध्या सोशल मीडियात व्हायरल होत आहे. एकानं व्हिडिओच्या कमेंटमध्ये लिहिलं की, 'मला तुझ्याबद्दल खूप आदर आहे'. तर, आणखी एकाने, 'तू सर्वोत्तम विनोदी कलाकार आहेस', असं म्हटलं आहे. तर, एका नेटकऱ्याने, 'तुझा साधेपणा, तुला इतर विनोदी कलाकारांपेक्षा वेगळं बनवते', अशी कमेंट केली आहे.
दरम्यान, सुनील ग्रोव्हरने अशा प्रकारचा व्हिडिओ शेअर करण्याची ही पहिलीच वेळ नाही. तो वारंवार असे व्हिडिओ सोशल मीडियात शेअर करत असतो. कधी तो रिक्षा चालवताना दिसतो, तर कधी भाजीपाला विकताना दिसतो, तर गावातील चुलीवर चपात्या भाजताना दिसतो. त्याला मातीशी जोडलेला कलाकार म्हणतात. त्यानं आपल्या आयुष्यात अनेक चढ उतारांचा सामना केला. कठोर परिश्रम करत त्यानं हे नाव कमावलं आहे. आज त्याच्याकडे आलिशान घर, चारचाकी आणि प्रसिद्धी आहे.
View this post on Instagram
कॉमेडी शो व्यतिरिक्त अभिनेता, शो, चित्रपट आणि कार्यक्रमातून भरपूर कमाई करतो. लाखोंच्या घरात कमाई करुनही तो गर्विष्ठ नाही. सध्या तो नेटफ्लिक्सवर प्रसारित होणाऱ्या 'द ग्रेट इंडियन कपिल शो' मधून प्रेक्षकांच्या भेटीस येत आहे. त्याचे शो प्रेक्षकांकडून आवडीने पाहिले जातात.
महत्त्वाच्या बातम्या
