Aai Kuthe Kay Karte : ‘हो, मी अरूंधतीवर प्रेम करतो’, अखेर आशुतोष देणार प्रेमाची कबुली!

Marathi Serial : मालिकेत सध्या ‘आई’ अर्थात ‘अरुंधती’ तिच्या स्वप्नांच्या दिशेन नवी भरारी घेताना दिसतेय. घरात बंदिस्त असणारी अरुंधती आता गायनविश्वात स्वतःला सिद्ध करत आहे.

Aai Kuthe Kay Karte

Marathi Serial : छोट्या पडद्यावर ‘आई कुठे काय करते’ (Aai Kuthe Kay Karte) ही मालिका प्रेक्षकांचे भरपूर मनोरंजन करत आहे. मालिकेतील रोजचे नवे कथानक, नवे ट्विस्ट आणि टर्न्स ‘आई कुठे काय करते’ला आणखी मनोरंजक बनवत आहेत. या मालिकेत सध्या ‘आई’ अर्थात ‘अरुंधती’ तिच्या स्वप्नांच्या दिशेन नवी भरारी घेताना दिसतेय. घरात बंदिस्त असणारी अरुंधती आता गायनविश्वात स्वतःला सिद्ध करत आहे.

मालिकेत अरुंधतीच्या आयुष्यात आलेलं एक सकारात्मक वळण प्रेक्षकांना पाहायला मिळालं आहे. आजवर अरुंधतीने आपली स्वप्न, आवडीनिवडी बाजूला सारुन कुटुंबाला सर्वस्व मानलं. मात्र, आता अरुंधतीच्या स्वप्नांना नवी भरारी मिळणार आहे. गाण्याची आवड असणारी अरुंधती आता मालिकेत पार्श्वगायिका बनली आहे. आशुतोषच्या मदतीने तिने तिच्या आयुष्यातले पहिले गाणे रेकॉर्ड केले आहे. आता अरूंधतीच्या आयुष्यात आणखी एक मोठं वळण येणार आहे.

अरुंधती सोडणार देशमुखांचं घर!

गाण्याच्या निमित्ताने आशुतोषसोबत बाहेर गेलेली अरुंधती रस्त्यातील अपघातामुळे त्याच गावातील एका घरात थांबण्याचा निर्णय घेते. यानंतर जेव्हा ती घरी परत येते, तेव्हा तिचा अवतार पाहून अनिरुद्ध आणि देशमुखांच्या घरातील काही लोकांना पारा चढतो. थेट आपल्या चारित्र्यावर संशय घेतल्याने अरुंधतीने आता देशमुखांचे घर सोडण्याचा निर्णय घेतला आहे. यानंतर ती पुन्हा आपल्या आईकडे जाऊन राहणार आहे.

आशुतोष देणार प्रेमाची कबुली!

अरुंधतीने घर सोडले, हे ऐकून आशुतोषही संतापतो. या सगळ्यात अरूंधतीचा दोष नाही, हे समजावण्यासाठी तो देशमुखांच्या घरात जातो. मात्र, यावेळी अनिरुद्ध पुन्हा एकदा त्याच्याशी वाद घालायला लागतो. यावेळी चिडलेला आशुतोष देखील त्याचे अरूंधतीवर प्रेम आहे, याची कबुली देतो. आता यानंतर अरूंधतीच्या आयुष्यात पुढे काय घडणार याकडे प्रेक्षकांचे लक्ष लागले आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha