Video: 'म्हणून मी डान्स करायचा नाही का?' टीम इंडियाची क्रिकेटर श्रेयंका पाटीलचा 'बबली बदमाश है' वर भन्नाट डान्स व्हायरल, ट्रोल करणाऱ्यांनाही सडेतोड प्रत्युत्तर
Shreyanka Patil: श्रेयंकाच्या डान्सनंतर सोशल मीडियात चर्चा रंगली आहे. श्रेयंकाने सोशल मीडियातील ट्रोलनंतर सडेतोड प्रत्युत्तर दिलं आहे.
Shreyanka Patil: टीम इंडियाची क्रिकेटर जेव्हा श्रेयंका पाटील क्रिकेटच्या मैदानावर चेंडू हातात घेते, तेव्हा तिची नजर फक्त विकेटवर खिळलेली असते. मैदानावर फलंदाजांना आपल्या फिरकीत अडकवणारी ती जितकी गंभीर आणि आक्रमक दिसते, तितकीच ती कॅमेऱ्यासमोर मनमोहक आणि बिनधास्त असते. तिचा एक डान्स व्हिडिओ सध्या सोशल मीडियावर चर्चेत आहे, ज्यामध्ये ती 'बबली बदमाश है' या प्रसिद्ध बॉलिवूड गाण्यावर आपल्या स्टाईल आणि डान्स मूव्ह्सने सर्वांना चकित करताना दिसत आहे. गाणे सुरू होताच, 24वर्षीय श्रेयंकाचा चेहरामोहराच बदलतो. तिच्या चेहऱ्यावरचा आत्मविश्वास, खोडकर हावभाव आणि बिनधास्त डान्स मूव्ह्स.. ती एखाद्या व्यावसायिक कलाकाराप्रमाणेच कॅमेऱ्यासमोर सहज वावरताना दिसते. मैदानावर विकेटसाठी संघर्ष करणारी ही क्रिकेटपटू आपल्या ग्लॅमरस स्टाईलने चाहत्यांना मोहित करत आहे.
सोशल मीडियातील ट्रोलनंतर सडेतोड प्रत्युत्तर
दरम्यान, श्रेयंकाच्या डान्सनंतर सोशल मीडियात चर्चा रंगली आहे. श्रेयंकाने सोशल मीडियातील ट्रोलनंतर सडेतोड प्रत्युत्तर दिलं आहे. श्रेयंकाने म्हटलं आहे की, "मला समजत नाहीये की लोक माझ्या डान्स व्हिडिओचा इतका मोठा विषय का बनवत आहेत. डान्स हा नेहमीच माझा आवडता छंद राहिला आहे आणि मी खूप काळापासून डान्सचे व्हिडिओ शेअर करत आहे. मी एक क्रिकेटपटू आहे, पण याचा अर्थ असा नाही की मी डान्सचा आनंद घेऊ शकत नाही. जर कोणी मला फक्त डान्स करण्यासाठी ट्रोल करत असेल, तर मला वाटतं की ते माझ्यापेक्षा त्यांच्या विचारसरणीबद्दल जास्त सांगतं."
View this post on Instagram
श्रेयंकाचा 'बबली बदमाश' गाण्यावरील जादुई परफॉर्मन्स
दुसरीकडे श्रेयंका ज्या गाण्यावर नाचत आहे, ते 2013 सालच्या 'शूटआउट अॅट वडाला' चित्रपटातील 'बबली बदमाश है' हे लोकप्रिय गाणे आहे. हे गाणे सुनिधी चौहान यांनी गायले असून, अनु मलिक यांनी संगीतबद्ध केले आहे. या गाण्यात प्रियांका चोप्राचा ग्लॅमरस अवतार स्पष्टपणे दिसून आला होता. आता, श्रेयंकाचा या गाण्यावरील डान्स व्हिडिओ सोशल मीडियावर व्हायरल होत आहे. तिच्या डान्सच्या स्टेप्स, हावभाव आणि कॅमेऱ्यासमोरचा आत्मविश्वास या व्हिडिओला खास बनवतात. मैदानावर आपल्या चेंडूने फलंदाजांना सतावणारी श्रेयंका, आपल्या करामतींनी चाहत्यांचे मनोरंजन करताना दिसत आहे. हा व्हिडिओ इन्स्टाग्रामवर शेअर करताना श्रेयंकाने 'जस्ट बीइंग अ बदमाश' असे कॅप्शन दिले आहे.
🚨 Shreyanka Patil breaks silence on dance controversy 🚨
— Central Cricket (@arshdeep3444) August 15, 2026
🗣️ I don’t understand why people are making such a big deal out of my dance video. Dance has always been my favourite hobby, and I’ve been sharing dance videos for a long time. I’m a cricketer, but that doesn’t mean I… pic.twitter.com/GwTG0kKVfZ
इतर महत्वाच्या बातम्या
महत्त्वाच्या बातम्या
