OTT trending Movie: OTT वर धुमाकुळ घालतेय 2 तास 35 मिनिटांचा रोमँटिक सिनेमा; Imdbवर दमदार रेटिंग, Must Watch
या चित्रपटाची कथा आधुनिक नातेसंबंध, मैत्री, प्रेम, विश्वास आणि भावनिक गुंतागुंत याभोवती फिरते. हा चित्रपट तुम्हाला हसवेलही आणि भावुकही करेल.
OTT Trending Movie: बॉलिवूडचा एक रोमँटिक चित्रपट थिएटरनंतर आता ओटीटी प्लॅटफॉर्मवर प्रदर्शित झाला आहे आणि येताच नंबर-1 ठरला आहे. तब्बल 2 तास 35 मिनिटांचा हा चित्रपट बॉक्स ऑफिसवर अपेक्षित यश मिळवण्यात अपयशी ठरला असला, तरी त्याला IMDb कडून दमदार रेटिंग मिळाली आहे. हा चित्रपट 14 ऑगस्ट रोजी ओटीटीवर रिलीज झाला आणि अवघ्या 24 तासांत टॉप ट्रेंडिंगमध्ये असलेल्या चित्रपटांना मागे टाकत त्याने नंबर-1 स्थान पटकावलं. याच वर्षातील सर्वाधिक कमाई करणाऱ्या हिंदी चित्रपटांच्या यादीत हा चित्रपट सहाव्या क्रमांकावर होता. या चित्रपटाची कथा आधुनिक नातेसंबंध, मैत्री, प्रेम, विश्वास आणि भावनिक गुंतागुंत याभोवती फिरते. हा चित्रपट तुम्हाला हसवेलही आणि भावुकही करेल. आपण ज्या चित्रपटाबद्दल बोलत आहोत, तो म्हणजे ‘कॉकटेल 2’ (Cocktail 2).
‘कॉकटेल 2’ हिट ठरला की फ्लॉप?
2012 मध्ये आलेल्या ‘कॉकटेल’ या चित्रपटाचा सीक्वेल ‘कॉकटेल 2’ याच वर्षी जून महिन्यात थिएटरमध्ये प्रदर्शित झाला. हा चित्रपट यावर्षी सर्वाधिक कमाई करणाऱ्या हिंदी चित्रपटांमध्ये सहाव्या क्रमांकावर पोहोचला असला, तरी तो बॉक्स ऑफिसवर यशस्वी ठरला नाही. सुमारे 150 कोटी रुपयांच्या बजेटमध्ये बनलेल्या ‘कॉकटेल 2’ने जगभरात जवळपास 147 कोटी रुपयांची कमाई केली.
कोणत्या OTT प्लॅटफॉर्मवर पाहता येणार ‘कॉकटेल 2’?
थिएटरमधून प्रदर्शित झाल्यानंतर ‘कॉकटेल 2’च्या ओटीटी रिलीजची प्रेक्षक आतुरतेने वाट पाहत होते. अखेर 14 ऑगस्टपासून हा चित्रपट Netflix वर उपलब्ध झाला आहे. Netflix वर प्रदर्शित होताच या चित्रपटाने टॉप-10 ट्रेंडिंग चित्रपटांच्या यादीत नंबर-1 स्थान पटकावलं. त्याने ‘मैं वापस आऊंगा’, ‘पेद्दी’ आणि ‘इक्का’ यांसारख्या चित्रपटांना मागे टाकलं आहे.
काय आहे ‘कॉकटेल 2’ची कथा?
‘कॉकटेल 2’ची कथा कुणाल, दिया आणि ऐली यांच्या लव्ह ट्रायंगलवर आधारित आहे.दिया (रश्मिका मंदाना) आणि कुणाल (शाहिद कपूर) रिलेशनशिपमध्ये असतात. दोघेही कुटुंबीयांकडून लग्नासाठी होत असलेल्या दबावामुळे त्रासलेले असतात. त्यामुळे ते सिसिलीला फिरायला जाण्याचा निर्णय घेतात.तिथे दियाची भेट ऐली (कृती सेनन) हिच्याशी होते. दिया ऐलीला कुणालसोबत फ्लर्ट करून त्याची तिच्यावरील निष्ठा तपासण्यास सांगते. मात्र, परिस्थिती वेगळीच वळण घेते आणि ऐलीच कुणालच्या प्रेमात पडते.यानंतर या तिघांच्या नात्यात निर्माण होणारी गुंतागुंत, प्रेम, विश्वास आणि भावनिक संघर्ष या चित्रपटात पाहायला मिळतो.
महत्त्वाच्या बातम्या
