![metaverse](https://cdn.abplive.com/imagebank/metaverse-top.png)
Sonam Kapoor : लंडननंतर आता मुंबईत होणार सोनम कपूरचं डोहाळे जेवण; ही असेल थीम
आता सोनमचे (Sonam Kapoor) बेबी शॉवर मुंबईत होणार आहे. या बेबी शॉवर पार्टीमध्ये अनेक सेलिब्रिटी हजेरी लावणार आहेत.
![Sonam Kapoor : लंडननंतर आता मुंबईत होणार सोनम कपूरचं डोहाळे जेवण; ही असेल थीम sonam kapoor grand baby shower party to be held in mumbai Sonam Kapoor : लंडननंतर आता मुंबईत होणार सोनम कपूरचं डोहाळे जेवण; ही असेल थीम](https://feeds.abplive.com/onecms/images/uploaded-images/2022/07/12/11feff75c39a255cc83e86c349c13b751657601240_original.jpg?impolicy=abp_cdn&imwidth=1200&height=675)
Sonam Kapoor : बॉलिवूडमधील प्रसिद्ध अभिनेत्री सोनम कपूरच्या (Sonam Kapoor) घरी लवकरच नव्या पाहूण्याचे आगमन होणार आहे. सोनमचा पती आनंद आहूजानं (Anand Ahuja) काही दिवसांपूर्वी लंडनमध्ये बेबी शॉवर पार्टीचे आयोजन केलं होतं. या बेबी शॉवर पार्टीला सोनम आणि आनंदच्या मित्र मैत्रीणींनी हजेरी लावली होती.आता सोनमचे बेबी शॉवर मुंबईत देखील होणार आहे.
सेलिब्रिटी लावणार हजेरी
17 जुलै रोजी सोनमचे बेबी शॉवर मुंबईमध्ये होणार आहे. या बेबी शॉवरला स्वरा भास्कर, करीना कपूर खान, करिश्मा कपूर, अमृता अरोरा, मलाइका अरोरा, आलिया भट्ट, नताशा दलाल, जॅकलीन फर्नांडीज, दीपिका पादुकोण, मसाबा गुप्ता आणि रानी मुखर्जी हे सेलिब्रिटी हजेरी लावणार आहेत. सोनम आणि आनंदचा विवाह सोहळा हा सोनमच्या मावशीच्या घरी पार पडला होता. रिपोर्टनुसार, तिथेच सोनमची बोबी शॉवर पार्टी देखील होणार आहे. बोहेमियन थीम या बेबी शॉवरचे फंक्शनची असणार आहे.
चाहत्यांनी दिल्या शुभेच्छा
सोनमनं मार्च 2022 मध्ये ती प्रेग्नंट असल्याची माहिती नेटकऱ्यांना दिली होती. त्यानंतर सोनमच्या चाहत्यांनी तिला शुभेच्छा दिल्या. सोनम बेबी बम्प फ्लॉन्ट करतानाचे फोटो सोशल मीडियावर शेअर करते. सोनम कपूरने 2018 साली तिचा बॉयफ्रेंड आनंद आहुजासोबत लग्न केले. आता लवकरच सोनम आणि आनंद हे आई-बाबा होणार आहेत.
2020 मध्ये सोनमचा 'एके वर्सेज एके' हा चित्रपट रिलीज झाला होता. आता लवकरच ती ब्लाइंड या चित्रपटामधून प्रेक्षकांच्या भेटीस येणार आहे. या चित्रपटामध्ये सोनमसोबत अभिनेता पूरब कोहली आणि विनय पाठक हे देखील प्रमुख भूमिका साकारणार आहेत. डिलेव्हरी नंतर सोनम या चित्रपटाच्या शूटिंगला सुरुवात करणार आहे. सोनमच्या आयशा, सावरिया, विरे दी वेडिंग या चित्रपटांना प्रेक्षकांची विशेष पसंती मिळाली. सोनम सोशल मीडियावर देखील अॅक्टिव्ह असते. वेगवेगळे लूकमधील फोटो सोनम सोशल मीडियावर शेअर करते.
हेही वाचा:
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)