Marathi Celebrities : अंबानींच्या लग्नात बॉलीवूडकरांची तर रिसेप्शनला मराठी कलाकारांची मांदियाळी, सोनाली कुलकर्णी, जितेंद्र जोशीसह अनेकांची उपस्थिती
Marathi Celebrities : अनंत अंबानी आणि राधिका मर्चंट यांच्या रिसेप्शन सोहळ्याला मराठी कलाकारांची मांदियाळी पाहायला मिळाली.
Marathi Celebrities : मुंबईसह जगभरात एक राजेशाही सोहळा बराच गाजला. अनंत अंबानी (Anant Ambani) आणि राधिका मर्चंट (Radhika Merchant) यांचा शुक्रवार 12 जुलै रोजी मुंबईत लग्नसोहळा पार पडला. या सोहळ्याला जगभरातल्या दिग्गजांनी हजेरी लावली. शुभ विवाह, शुभ आशीर्वाद आणि रिसेप्शन असे मुख्य तीन दिवस या सोहळ्याचे होते. त्याआधी संगीत आणि मेहंदी हे सोहळे देखील पार पडले. बॉलीवूडचे सगळे कलाकार हजर होते.
याच दरम्यान रिसेप्शन सोहळ्याचे फोटो सध्या समोर येत असून मराठी कलाकारांची मांदियाळी यावेळी पाहायला मिळाली. अनेक मराठी कलाकारांनी या रिसेप्शनला हजेरी लावली होती. त्याचे फोटोही सध्या सोशल मीडियावर व्हायरल होत आहेत. जितेंद्र जोशी,महेश लिमये, सोनाली कुलकर्णी, अमृता खानविलकर, गिरिजा ओक, ललित प्रभाकर, प्राजक्त देशमुख ही कलाकार मंडळी उपस्थित होती. इतकच नव्हे तर अभिनेता शरद केळकरने या सोहळ्यात होस्टिंगही केलं.
अंबानींच्या रिसेप्शन सोहळ्याला मराठी अभिनेत्रींची जलवा
संपूर्ण बॉलीवूड ज्या सोहळ्यात उपस्थित होतं, त्या सोहळ्यात आता मराठी कलाकारांचा देखील जलवा पाहायला मिळाला. अनंत अंबानी (Anant Ambani) आणि राधिका मर्चंट (Radhika Merchant) यांच्या लग्नाच्या रिसेप्शनला मराठी अभिनेत्रींच्या उपस्थितीने विशेष लक्ष वेधून घेतलं. अमृता खानविलकर (Amruta Khanvilkar), प्रियांका बर्वे (Priyanak Barve), गिरिजा गोडबोले (Girija Godbole) हे कलाकार या सोहळ्याला उपस्थित होते.
View this post on Instagram
View this post on Instagram
अंबानींच्या सोहळ्याला मराठमोळा साज
अनंत अंबानी आणि राधिका मर्चंट यांचा लग्नसोहळा 12 जुलै रोजी पार पडला. या सोहळ्याला पंतप्रधान मोदींपासून अनेक दिग्गजांनी उपस्थिती लावली होती. पण या लग्नातील मराठमोळ्या साजने विशेष लक्ष वेधून घेतलं. गायक अजय-अतुल यांच्या गाण्याने अनंतचा लग्नमंडप दुमदुमला. त्याचप्रमाणे संजू राठोडच्या गुलाबी साडी गाण्यावरही वऱ्हाडी मंडळी थिरकताना पाहायला मिळाली.
ही बातमी वाचा :
महत्त्वाच्या बातम्या
ट्रेंडिंग न्यूज
