गुढीपाडव्याच्या मुहूर्तावर सिद्धार्थ चांदेकर अन् मितालीने चाहत्यांना दिली गुड न्यूज! मुंबईत हक्काचे दुसरं घर घेत केला गृहप्रवेश
2021 मध्ये मिताली आणि सिद्धार्थ या दोघांनी लग्न गाठ बांधली. त्यानंतर वर्षभराने त्यांनी मुंबईत हक्काचं पहिलं घर खरेदी केलं होतं.
Siddharth chandekar: 'क्रांतीज्योती विद्यालय मराठी माध्यम' 'झिम्मा' 'क्लासमेट' अशा अनेक चित्रपटांमधून घराघरात लोकप्रिय झालेला अभिनेता सिद्धार्थ चांदेकर (Siddharth Chandekar) सध्या चांगलाच चर्चेत आहे. 'क्रांतीज्योती विद्यालय मराठी माध्यम' या त्याच्या चित्रपटाला प्रचंड लोकप्रतिसाद मिळाला. या चित्रपटाने बॉक्स ऑफिसवरही दणदणीत कमाई केली. पण यावेळी तो चर्चेत आलाय त्याच्या वैयक्तिक आयुष्यातील एका गोष्टीने. सिद्धार्थ आणि त्याची बायको मितालीने मुंबईत स्वतःच दुसरं घर खरेदी केलं आहे. आज गुढीपाडव्याच्या शुभमुहूर्तावर त्यानं घराचा रजिस्ट्रेशन केल्याचं सांगत प्रेक्षकांना आनंदाची बातमी दिली आहे. त्यावर अनेक कलाकारांनी त्याला शुभेच्छा दिल्यात. ' नवीन वर्ष नवघर नवी सुरुवात! नवीन वर्षाच्या खूप खूप शुभेच्छा असं कॅप्शन देत त्यांनी एक पोस्ट शेअर केली आहे.
2021 मध्ये मिताली आणि सिद्धार्थ या दोघांनी लग्न गाठ बांधली. त्यानंतर वर्षभराने त्यांनी मुंबईत हक्काचं पहिलं घर खरेदी केलं होतं. आता गुढीपाडव्याच्या निमित्ताने दोघांनी आणखी एक नवघर खरेदी केलंय. घराची पूजा करताना दोघेजण दिसतायत. नव्या घराच्या व्हिडिओवर चाहत्यांनी त्यांच्यावर अभिनंदनचा वर्षाव केलाय. नव्या घरासाठी दोघांनाही भरभरून शुभेच्छा दिल्या आहेत.
View this post on Instagram
सिद्धार्थ मितालीने घेतलं नवं घर
मिताली आणि सिद्धार्थ या दोघांनीही गुढीपाडव्याच्या निमित्ताने एक पोस्ट शेअर केली आहे. या पोस्टमध्ये त्यांनी नवघर घेतल्याची बातमी चाहत्यांना दिली. दोघेही नवीन घरात गुढी उभारताना दिसत आहेत. पारंपरिक साडी आणि मराठमोळ्या लोकसह दोघांनीही गुढीची पूजा केली. दोघांचा लुकचीही चर्चा रंगली आहे.
दरम्यान सिद्धार्थ चांदेकरच्या कामाविषयी बोलायचं झाल्यास, अलीकडेच तो माधुरी दीक्षितसह'मिसेस देशपांडे' या वेब सिरीजमध्ये दिसला. हेमंत ढोमे दिग्दर्शित क्रांतीज्योती विद्यालय मराठी माध्यम या चित्रपटातही त्याने महत्त्वाची भूमिका साकारलेली. अलीकडेच प्रदर्शित झालेल्या माया सिनेमातही सिद्धार्थ दिसला.
हेही वाचा:
महत्त्वाच्या बातम्या
