एक्स्प्लोर

Shahid Kapoor's Sister Wedding : शाहिद कपूरची बहीण सना कपूरचा नववधू लूक सोशल मीडियावर व्हायरल

Shahid Kapoor's Sister Wedding : अभिनेता पंकज कपूर आणि सुप्रिया पाठक यांची लाडकी मुलगी सना कपूर मयंक पाहवा यांच्या लग्नाचे फोटो आणि व्हिडिओ इंटरनेटवर व्हायरल होत आहेत.

By : एबीपी माझा वेब टीम | Edited By: प्रिया मोहिते | Updated at : 04 Mar 2022 06:34 PM (IST)

Shahid Kapoor's Sister Wedding

Shahid Kapoor's Sister Wedding : बॉलिवूड अभिनेते पंकज कपूर (Pankaj Kapur) आणि सुप्रिया पाठक (Supriya Pathak) यांची लाडकी मुलगी सना कपूर (Sanah Kapur) हिने मयंक पाहवासोबत (Mayank Pahwa) लग्नगाठ बांधली आहे. 2 मार्च रोजी महाबळेश्वरमध्ये सना कपूरने मनोज आणि सीमा पाहवा यांचा मुलगा मयंक पाहवासोबत सात फेरे घेतले. या भव्य लग्नसोहळ्यात, शाहिद कपूरची बहीण सना तिच्या साध्या आणि सुंदर वधूच्या लुकमुळे खूपच सुंदर दिसत होती. तिच्या या लूकला पाहून तिच्यावर सर्वत्र कमेंट्सचा वर्षाव होतोय. दरम्यान, त्यांच्या लग्नाचे अनेक फोटो आणि व्हिडीओही सोशल मीडियावर चांगलेच व्हायरल होत आहेत.

View this post on Instagram

A post shared by Shahid Kapoor (@shahidkapoor)

शाहिद कपूरनेही बहीण सना कपूरसोबतचा एक गोंडस फोटो इंस्टाग्रामवर शेअर केला आहे. हा फोटो शेअर करत शाहिदने एक इमोशनल नोटही लिहिली आहे. शाहिदने कॅप्शनमध्ये लिहिलं आहे. "वेळ किती वेगाने उडतो, माझी छोटी बिटो आता वधू बनली आहे. सगळेच खूप लवकर वाढले. " शाहिदने पुढे लिहिले आहे, "माझी प्रिय बहीण देखील नवीन आयुष्य सुरू करत आहे. प्रिय सना कपूर, तू आणि मयंक नेहमी सुखी राहा."