Saif Ali Khan Case: सैफ अली खान हल्ला प्रकरणी आता एक महिला पोलिसांच्या ताब्यात; आरोपीशी कनेक्शन, बंगालमधून अटक
Saif Ali Khan Case: सैफ अली खानवर हल्ला करणाऱ्या व्यक्तीला पोलिसांनी अटक केली होती, पण अलिकडच्या वृत्तांनुसार, पोलिसांनी अटक केलेली व्यक्ती चुकीची व्यक्ती असल्याचं म्हटलं जात आहे.
Saif Ali Khan Case New Updates: बॉलिवूड अभिनेता (Bollywood Actor) सैफ अली खानवर (Saif Ali Khan) हल्ला झाला आणि अवघी सिनेसृष्टी हादरली. 16 जानेवारी रोजी बॉलिवूड सेलिब्रिटी (Bollywood Celebrity) सैफ अली खानवर हल्ला करण्यात आला. या हल्ल्यात सैफ गंभीर जखमी झालेला, त्याच्यावर तात्काळ शस्त्रक्रिया करण्यात आली. अशातच आता डॉक्टरांनी त्यांना विश्रांती घेण्याचा सल्ला दिला आहे.
सैफ अली खान प्रकरणात नवे अपडेट्स
सैफ अली खान प्रकरणात अनेक खळबळजनक बाबींचा खुलासा करण्यात आला. तसं पाहायला गेलं तर, सैफ अली खानवर हल्ला करणारा खरा आरोपी अद्याप पकडला गेलेला नाही, असं म्हटलं तरी वावगं ठरणार नाही. सैफ अली खानवर हल्ला करणाऱ्या व्यक्तीला पोलिसांनी अटक केली होती, पण अलिकडच्या वृत्तांनुसार, पोलिसांनी अटक केलेली व्यक्ती चुकीची व्यक्ती असल्याचं म्हटलं जात आहे. यानंतर मुंबई पोलिसांनी वेगानं तपास सुरू केला आहे. तसेच, सैफचा खरा आरोपी शोधण्यासाठी पुन्हा एकदा कंबर कसल्याचं पाहायला मिळत आहे.
पोलिसांकडून बंगालमध्ये महिलेला अटक
सैफ अली खानवरील हल्ला प्रकरणात पोलिसांनी बंगालमधील एका महिलेला अटक केल्याची माहिती मिळत आहे. मीडिया रिपोर्ट्सनुसार, मुंबईत यापूर्वी अटक करण्यात आलेल्या बांगलादेशी नागरिकानं वापरलेलं सिम कार्ड एका महिलेच्या नावावर असल्याचं समोर आलं आहे. याच प्रकरणी पोलिसांनी बंगालमधून एका महिलेला अटक केल्याची माहिती मिळत आहे.
महिलेचा अटकेत असलेल्या आरोपीचा परिचय
सैफ अली खान प्रकरण्यातील धागे-दोरे शोधण्यासाठी टीम रविवारी बंगालला पोहोचली. तिथून चापडा जिल्ह्यातून त्यांनी एका महिलेला अटक केल्याची माहिती समोर आली आहे. या महिलेचं नाव खुखुमोनी जहांगीर शेर असल्याचं सांगितलं जात आहे. त्यासोबतच ही महिला बांगलादेशी आरोपी शरीफुलच्या परिचयाची असल्याचं सांगितलं जात आहे.
पोलिसांनी महिलेला घेतलं रिमांडवर
असं सांगितलं जात आहे की, शरीफुल बांगलादेशाच्या सीमेवरुन भारतात अवैधरित्या घुसला होता. त्यावेळी याच महिलेशी त्यानं संपर्क साधला होता. महिला बंगालच्या मुर्शिदाबाद जिल्ह्याच्या अंदुलियात राहणारी आहे. पोलिसांनी सोमवारी महिलेला अटक केली असून मुंबई रिमांडवर घेऊन गेली आहे. दरम्यान, यासंदर्भात पोलिसांनी कोणतीही अधिकृत माहिती दिलेली नाही. अशातच आता या प्रकरणाशी महिलेचा नेमका संबंध काय? हे पाहणं महत्त्वाचं ठरणार आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
