Saif Ali Khan Attack Case : लग्न मोडलं, नोकरी गेली, मुंबई पोलिसांमुळे माझं आयुष्य उद्ध्वस्त; सैफ हल्ला प्रकरणात ताब्यात घेतलेल्या संशयिताचे गंभीर आरोप
Saif Ali Khan Attack Case : माझं लग्न मोडलं, नोकरी गेली, मुंबई पोलिसांमुळे माझं आयुष्य उद्ध्वस्त झालं, असं म्हणत सैफ हल्ला प्रकरणात ताब्यात घेतलेल्या आकाश कनौजियानं गंभीर आरोप केले आहेत.
Saif Ali Khan Attack Case : बॉलिवूड अभिनेता (Bollywood Actro) सैफ अली खानवर (Saif Ali Khan) त्याच्या राहत्या घरात घुसून चोरट्यानं जीवघेणा हल्ला केला. हल्ल्यात गंभीर झालेल्या सैफवर तात्काळ शस्त्रक्रिया करावी लागली. त्यानंतर पाच दिवसांनी सैफला रुग्णालयातून डिस्चार्ज देण्यात आला. अशातच, याप्रकरणी मुंबई पोलिसांनी आपल्या तपासाची सूत्रं वेगानं हलवून आरोपीच्या मुसक्या आवळल्या. पण, त्यापूर्वी आरोपीचा शोध घेत असताना पोलीस भलत्याच व्यक्तीपर्यंत पोहोचले होते. ज्याचा चेहरा सीसीटीव्हीमध्ये दिसत असलेल्या आरोपीशी मिळता-जुळता होता. या व्यक्तीला पोलिसांनी छत्तीसगढमधून ताब्यात घेतलं होतं. पण, चौकशीनंतर त्याला सोडून दिलं. आता याच व्यक्तीनं मुंबई पोलिसांवर अनेक गंभीर आरोप केले आहेत. माझं लग्न मोडलं, नोकरी गेली, मुंबई पोलिसांमुळे माझं आयुष्य उद्ध्वस्त झालं, असं म्हणत सैफ हल्ला प्रकरणात ताब्यात घेतलेल्या आकाश कनौजियानं गंभीर आरोप केले आहेत.
मुंबई पोलिस सैफच्या इमरातीतील सीसीटीव्ही फुटेजमध्ये दिसलेल्या चोरट्याचा माग काढत छत्तीसगढच्या आकाश कनौजियापर्यंत पोहोचले. पोलिसांनी त्याला ताब्यात घेतलं आणि चौकशीसाठी मुंबईला आणलं. पण, पोलिसांनी शहानिशा न करून ताब्यात घेतल्यामुळे आता माझं आयुष्य उद्ध्वस्त झाल्याचा दावा सैफ अली खान हल्ला प्रकरणात ताब्यात घेतलेल्या आकाश कनौजियानं केला आहे.
माझ्या होणाऱ्या बायकोला भेटायला निघालेलो अन् पोलिसांनी... : आकाश कनौजिया
आकाश कनौजियाचं म्हणणं आहे की, त्याचं लग्न ठरलेलं, पण मुंबई पोलिसांनी चुकीच्या पद्धतीनं केलेल्या कारवाईमुळे माझं लग्न मोडलं. जरी ताब्यात घेऊन सुटका केली असली,तरिसुद्धा माझं लग्न मोडलं आहे. यापूर्वी तो ड्रायव्हरची नोकरी करायचा, पण पोलिसांच्या कारवाईनंतर त्याला नोकरीही गमवावी लागल्याचा दावा आकाश कनौजियानं केला आहे. पोलिसांच्या चुकीमुळं माझं आयुष्य उद्ध्वस्त झालंय. तसेच, त्याच्यासोबतच आता कुटुंबालाही आता बदनामीचा सामना करावा लागतोय, असं आकाश कनौजियाचं म्हणणं आहे.
आका कनौजिया बोलताना म्हणाला की, "सीसीटीव्हीत आरोपीला मिशा नव्हत्या,मला मिशा असताना ताब्यात घेतलं. मी माझ्या होणाऱ्या पत्नीला भेटायला जात होतो,तेव्हाच पोलिसांनी पकडलं. मुंबई पोलिसांनी मला मारहाणही केली." तसेच, पुढे बोलताना सैफ अली खानच्या घराबाहेर जाऊन आपण न्याय मागणार आहे, असंही आकाश म्हणाला आहे. अशातच आकाश कनौजियानं बोलताना देवाचे भारही मानले आहेत. तो म्हणाला की, देवाचीच कृपा आणि सैफ अली खानवर हल्ला करणारा आरोपी शहजाद पकडला गेला आणि माझी सुटका झाली.
महत्त्वाच्या बातम्या
ट्रेंडिंग न्यूज
