करीनाची इन्स्टाग्राम पोस्ट, करीना-सैफ पुन्हा आई-बाबा बनणार!
खुद्द सैफ आणि करिनाने प्रेग्नंट असल्याच्या वृत्तावर मोहर लावली आहे. करिनाने तिच्या इन्स्टाग्राम अकाऊंटवर दुसरा छोटा पाहुणा येणार असल्याची गुडन्यूज शेअर केली आहे.
मुंबई : बॉलिवूड अभिनेत्री करीना कपूर आणि अभिनेता सैफ अली खान पुन्हा एकदा आई-बाबा बनणार असल्याच्या बातमीवर शिक्कामोर्तब झालं आहे. मीडियामध्ये करीनाच्या प्रेग्नंसीबाबत अनेक शक्यता वर्तवण्यात जात होत्या. शिवाय सैफ आणि करीनानेही यावर मौन बाळगलं होतं.
परंतु आता खुद्द सैफ आणि करिनाने प्रेग्नंट असल्याच्या वृत्तावर मोहर लावली आहे. करिनाने तिच्या इन्स्टाग्राम अकाऊंटवर दुसरा छोटा पाहुणा येणार असल्याची गुडन्यूज शेअर केली आहे. “आम्हाला हे सांगताना अत्यंत आनंद होत आहे की आमच्या कुटुंबात आणखी एक चिमुकला पाहुणा येणार आहे. तुम्हा सर्वांच्या शुभेच्छांसाठी आणि प्रेमासाठी खूप धन्यवाद”, असं सैफ व करीनाने म्हटलंय.
View this post on Instagram
2012 मध्ये सैफ आणि करिनाने लगीनगाठ बांधली होती. सैफची आधीची पत्नी - अभिनेत्री अमृता सिंगपासून त्याला सारा आणि इब्राहिम ही दोन मुलं आहेत. करिनाने 20 डिसेंबर 2016 रोजी मुंबईच्या ब्रिच कँडी रुग्णालयात गोंडस मुलाला जन्म दिला होता. त्यानंतर बाळाचं नाव तैमूर ठेवल्यामुळे सोशल मीडियात सैफ-करिनावर टीकेची झोड उठली होती.
बॉलिवूड अभिनेत्री करीना कपूर आणि अभिनेता सैफ अली खान यांचा मुलगा तैमूर जन्मापासूनच चर्चेत आहे. सोशल मीडियावर सतत त्याचे फोटो व्हायरल होत असतात. तैमूरभोवती कायमच फोटोग्राफर्सचा गराडा पडलेला असतो. त्याची एक झलक पाहण्यासाठी चाहत्यांची गर्दी उसळते. एकीकडे लोक तो सतत लाईमलाईटमध्ये असल्याने नावं ठेवतात, मात्र त्याचे फोटो पाहण्यासाठी उड्याही मारतात.
संबंधित बातम्या :
Spotted | तैमूरसोबत मास्क घालून आउटिंग करताना दिसले सैफ-करिना!
महत्त्वाच्या बातम्या
