प्रसिद्ध बॉलिवूड अभिनेत्याच्या घरात हलला पाळणा; अभिनेत्रीनं दिला मुलीला जन्म, गोंडस बाळाचे PHOTOs
Randeep Hooda announces birth of daughter: बॉलिवूड अभिनेता रणदीप हुड्डा आणि लिन यांना कन्यारत्न प्राप्त झाली आहे.
Randeep Hooda announces birth of daughter in Social media: मनोरंजनसृष्टीतून एक आनंदाची बातमी समोर येत आहे. बॉलिवूड अभिनेता रणदीप हुड्डाच्या घरात नव्या पाहुण्याची एन्ट्री झाली आहे. रणदीपची पत्नी लिन लैशराम हिनं मुलीला जन्म दिला आहे. रणदीपनं स्वत: सोशल मीडियावर चाहत्यांसोबत ही आनंदाची बातमी शेअर केली आहे. विशेष म्हणजे, रणदीपच्या मुलीनं त्याच दिवशी जन्म घेतला, ज्या दिवशी रणदीपच्या वडिलांचा वाढदिवस असतो. रणदीपची पोस्ट सोशल मीडियात व्हायरल होत असून, कलाकार तसेच नेटकऱ्यांनी त्याच्या पोस्टवर शुभेच्छांचा वर्षाव केला आहे.
रणदीपनं इन्स्टाग्रामवर काही फोटो शेअर केले आहेत. या फोटोमध्ये रणदीपच्या वडिलांनी आपल्या नातीला हातावर उचलून घेतलं आहे. दुसऱ्या फोटोमध्ये रणदीपच्या लेकीचा हात दिसत आहे. अभिनेत्यानं फोटो शेअर करत आजोबा तसेच नातीला वाढदिवसाच्या शुभेच्छा दिल्या आहेत. रणदीपनं कॅप्शनमध्ये लिहिलं की, 'आज मी वडील झालो आहे. तुमच्याबद्दलची अप्रिसिएशन अधिक वाढत चालली आहे. सर्वात महत्त्वाचे म्हणजे, मला वडील बनवल्याबद्दल आणि आमच्या सुंदर मुलीला या जगात आणल्याबद्दल लिनचे आभार'.
रणदीपची ही पोस्ट सोशल मीडियात व्हायरल होत आहे. सोमवारी रणदीप आणि लिन मॅटरनिटी फोटोशूटचे फोटो सोशल मीडियात शेअर केले आहेत. हे फोटो व्हायरल झाले आहेत.
View this post on Instagram
रणदीप आणि लिन यांनी 29 नोव्हेंबर 2023 रोजी मणिपुरी परंपरेनुसार लग्न केलं आहे. त्यांच्या लग्नाला फक्त कुटुंब आणि जवळचे मित्र उपस्थित होते. नोव्हेंबर 2025 मध्ये लिनने गरोदरपणाची घोषणा केली. रणदीप आणि लिन यांच्या प्रेमकथेबद्दल बोलायचं झाले तर, त्यांची भेट नसीरुद्दीन शाह यांच्या थिएटरमध्ये झाली. तिथे त्यांची मैत्री झाली. नंतर ते प्रेमात पडले. 2022 साली त्यांनी सोशल मीडियाद्वारे त्यांच्या नात्याबाबत खुलासा केला.
महत्त्वाच्या इतर बातम्या:
घरात मृतदेह आढळला अन् महाराष्ट्र हादरला; रिल स्टार अरुण तुपे नेमका कोण ? त्याला कसला त्रास होता?
महत्त्वाच्या बातम्या
