Raja Shivaji Salman Khan: 'सलमानच्या प्रश्नाने मी निरुत्तर झालो '; 'राजा शिवाजी' सिनेमात सलमान खानची एन्ट्री झाली कशी? रितेशने सगळं सांगितलं!
Raja Shivaji: ही एन्ट्री आहे सलमान खानची. राजा शिवाजी चित्रपटात सलमान खानही कॉमिओ करणार असल्याच्या चर्चा आहेत.
Raja Shivaji Salman Khan: अभिनेता रितेश देशमुखच्या राजा शिवाजी या चित्रपटाची सध्या मनोरंजनसृष्टीत एकच चर्चा आहे. मे 2026 मध्ये प्रदर्शित होणाऱ्या चित्रपटांच्या यादीतला हा बिगबजेट सिनेमा समजला जातोय. सुमारे 100 कोटींचं बजेट असणाऱ्या या चित्रपटात रितेश देशमुख, संजय दत्त, अभिषेक बच्चन यांच्यासह अनेक दमदार कलाकारांची स्टारकास्ट आहे. शिवाजी महाराजांच्या शौर्यावर आधारित असणाऱ्या या चित्रपटात मराठी इंडस्ट्रीसह बॉलीवूडच्या कलाकारांची मांदियाळी पाहायला मिळणार आहे. पण या सगळ्या कलाकारांमध्ये आणखी एक सरप्राईज एन्ट्री प्रेक्षकांना पाहायला मिळणार आहे. ही एन्ट्री आहे सलमान खानची. राजा शिवाजी चित्रपटात सलमान खानही कॉमिओ करणार असल्याच्या चर्चा आहेत. आता स्वतः रितेशने एका मुलाखतीत सलमान खान करणार असलेल्या भूमिकेविषयी सांगितलंय.
'राजा शिवाजी'मध्ये सलमानची एन्ट्री कशी झाली?
'राजा शिवाजी' चित्रपटाच्या निमित्ताने महाराष्ट्र टाइम्स ला मुलाखत देताना रितेशने या सिनेमात सलमानच्या एन्ट्रीबद्दल सांगितलं. तो म्हणाला ' खरंतर सलमान भाऊ सिनेमात आहेतच. पण ते कोणती व्यक्तिरेखा किंवा भूमिका साकारणार आहेत ,हे मी आत्ता सांगणार नाही. 31 डिसेंबर 2024 रोजी आमची भेट झालेली. मी छत्रपती शिवाजी महाराजांवर सिनेमा करतोय हे त्यांना माहीत होतं. त्यावेळी त्यांनी मला माझी भूमिका कोणती असं अचानक विचारलं. त्यावेळी मी अक्षरशः निरुत्तर झालेलो. तुझ्या सिनेमात मी असणारच असं देखील ते म्हणाले होते. " असं रितेशने सांगितलं.
रितेश देशमुख आणि सलमान खान यांच्या मैत्रीची कायम चर्चा असते. रितेशच्या प्रत्येक सिनेमात सलमान कॉमिओ करताना दिसतो. आआधी रितेशच्या वेळ आणि लय भारी सिनेमातही सलमान खान दिसला होता. आता 'राजा शिवाजी' सिनेमात तो कोणती भूमिका साकारणार याकडे प्रेक्षकांचे लक्ष आहे. अनेक जण तर जिवा महालाची भूमिका साकारणार असल्याचे बोलतायत. पण अद्याप या भूमिकेबद्दल कोणतीही अधिकृत माहिती समोर आलेली नाही. येत्या एक मे रोजी राजा शिवाजी हा चित्रपट सर्व चित्रपटगृहांमध्ये प्रदर्शित होणार आहे.
राजा शिवाजी चित्रपटातील कलाकार
राजा शिवाजी सिनेमात अभिषेक बच्चन महत्त्वाच्या भूमिकेत दिसणार आहे. तो संभाजी शहाजी भोसले यांचे पात्र साकारतोय.तर संजय दत्त अफजलखानाच्या भूमिकेत दिसणार असल्याचा वृत्त आहे.रितेश देशमुख छत्रपती शिवाजी महाराजांची भूमिका साकारणार आहे. तर जेनेलिया देशमुख ही छत्रपती शिवाजी महाराजांच्या पत्नी महाराणी सईबाई यांची भूमिका साकारणार आहेत. फरदीन खान शहाजहाच्या भूमिकेत दिसणार आहेत. महेश मांजरेकर हे लखुजी जाधव यांच्या भूमिकेत तर विद्या बालन ताजल मुखिदरात या भूमिकेत दिसणार आहे.
महत्त्वाच्या बातम्या
