Rashmika Mandana Vijay Deverakonda Wedding Streaming Rights: रश्मिका मंदाना, विजय देवरकोंडाची लगीनघाई; कोट्यवधींना विकणार स्ट्रीमिंग राइट्स? Netflix ची मोठी ऑफर
Rashmika Mandana Vijay Deverakonda Wedding Streaming Rights: रश्मिका मंदाना आणि विजय देवरकोंडा आपल्या लग्नाचे स्ट्रिमिंग राइट्स विकणार असल्याचं बोललं जात आहे. बरं, ही डील थोडी थोडकी नाहीतर कित्येक कोटींची असणार असल्याच्याही चर्चा सुरू आहेत.
Rashmika Mandana Vijay Deverakonda Wedding Streaming Rights: गेल्या कित्येक दिवसांपासून फिल्म इंडस्ट्रीमध्ये (Film Industry) एका लग्नाची जोरदार चर्चा रंगली आहे. ते लग्न म्हणजे, साऊथ सुपरस्टार्स (South Superstar) रश्मिका मंदाना (Rashmika Mandana) आणि विजय देवरकोंडा (Vijay Deverakonda) यांचं. आपल्या लाडक्या सेलिब्रिटींच्या लग्नाची चाहते आतुरतेनं वाट पाहत आहेत. सोशल मीडियावर त्यांच्या लग्नाची बरीच चर्चा सुरू आहे. दोघांचं लग्न कसं होणार? कुठे होणार? दोघांच्या लूक कसा असणार? लग्नात कोण उपस्थित राहणार आहे आणि त्यांचे कपडे कोण डिझाइन करणार आहे? यांसारखे अनेक प्रश्न चाहत्यांना पडले आहेत. दोघांच्या लग्नावेळची एक झलक पाहण्यासाठी चाहते आतूर झाले आहेत. अशातच आता रश्मिका मंदाना आणि विजय देवरकोंडा आपल्या लग्नाचे स्ट्रिमिंग राइट्स विकणार असल्याचं बोललं जात आहे. बरं, ही डील थोडी थोडकी नाहीतर कित्येक कोटींची असणार असल्याच्याही चर्चा सुरू आहेत.
मीडिया रिपोर्ट्सनुसार, रश्मिका आणि विजय यांचं लग्न 26 फेब्रुवारी रोजी होणार आहे. दरम्यान, लग्नाबाबत एक महत्त्वाची अपडेट समोर आली आहे. मीडिया रिपोर्ट्सनुसार, लग्नापूर्वी या जोडप्याला स्ट्रीमिंग राइट्ससंदर्भात 60 कोटी रुपयांची ऑफर मिळाली आहे.
रश्मिका मंदान्ना आणि विजय देवरकोंडा यांच्या लग्नाची बऱ्याच काळापासून चर्चा आहे. दरम्यान, या जोडप्यानं त्यांच्या लग्नाबद्दल अधिकृतपणे काहीही जाहीर केलेलं नाही. अशातच आता, नेटफ्लिक्सनं जोडप्याला एक महत्त्वाची ऑफर दिली आहे, ज्यामुळे आता लवकरच दोघांच्या लग्नाचे सनई-चौघडे वाजणार, हे कन्फर्म झाल्याचंही बोललं जात आहे.
60 कोटींना विकणार स्ट्रीमिंग राइट्स
मीडिया रिपोर्टनुसार, नेटफ्लिक्सनं या जोडप्याला 60 कोटी रुपयांचे एक्सक्लुझिव्ह स्ट्रीमिंग हक्क देऊ केले आहेत, जेणेकरून चाहते त्यांच्या लग्नाचा शाही थाट पाहू शकतील. दरम्यान, या जोडप्यानं ही ऑफर नाकारली आहे. मिळालेल्या वृत्तानुसार, भूतकाळातील काही कंट्रोवर्सीजमुळे, रश्मिका आणि विजय यांना त्यांच्या लग्नात कोणतीही रिस्क घ्यायची नाही.
रश्मिका आणि विजय यांनी या विषयावर कोणतीही प्रतिक्रिया दिलेली नाही. अलीकडेच, रश्मिका एअरपोर्टवर स्पॉट झालेली. लग्नाबद्दल विचारल्यावर, ती लाजली. या जोडप्याच्या नात्याबद्दल, 2018 पासूनच चर्चा सुरू आहेत. ते जवळजवळ आठ वर्षांपासून रिलेशनशिपमध्ये आहेत, पण या जोडप्यानं कधीही याबद्दल कोणतंही वक्तव्य केलेलं नाही.
महत्त्वाच्या इतर बातम्या :
आली लगीन सराई... मांडव सजलाय दारी; सुप्रसिद्ध मराठी अभिनेत्रीची लगीनघाई, होणारा नवरा कोण?
महत्त्वाच्या बातम्या
