आली लगीन सराई... मांडव सजलाय दारी; सुप्रसिद्ध मराठी अभिनेत्रीची लगीनघाई, होणारा नवरा कोण?
नुकतंच रेवतीने सोशल मीडियावर त्याचे काही फोटो शेअर केले आहेत. मुंडावळ्या, पारंपरिक लुक मध्ये तिने काही फोटो शेअर केले आहेत. रेवतीच्या घरी लग्न आधीच्या विधींना सुरुवात झाली आहे.
Revatai Lele: मराठी मनोरंजनविश्वातील अनेक कलाकार सध्या लग्न करताना दिसतायत. अनेकांनी लग्नगाठ बांधली आहे . अलीकडेच मुरंबा मालिकेतील अभिनेता सिद्धार्थ खिरीड आणि साक्षी महाजन या कलाकारांनी लग्न केलं . आता अनेकांच्या घरी लगीन घाई सुरू झाली आहे. यातीलच नाव म्हणजे रेवती लेले . गेल्या काही दिवसांपासून रेवती लेले तिच्या वैयक्तिक आयुष्यामुळे चर्चेत आहे. आता अभिनेत्रीच्या घरी लग्नाची लगबग सुरू झाली आहे.
'लग्नाची बेडी' या मालिकेतून घराघरात पोहोचलेली रेवती लेले लवकरच लग्न करणार आहे. नुकतच रेवती 'कोण होतीस तू काय झालीस तू' या मालिकेत झळकली होती. या मालिकेत तिने अमृता ही खलनायिका साकारलेली. ही मालिका नुकतीच संपली आहे. पण अभिनेत्री रेवती लेले चर्चेत आहे तिच्या लगीन घाईमुळे. गेल्या काही दिवसांपासून ती चहात्यांना तिच्या लग्नाच्या अपडेट्स शेअर करत आहे. नुकतंच रेवतीने सोशल मीडियावर त्याचे काही फोटो शेअर केले आहेत. मुंडावळ्या, पारंपरिक लुक मध्ये तिने काही फोटो शेअर केले आहेत. रेवतीच्या घरी लग्न आधीच्या विधींना सुरुवात झाली आहे.ती लवकरच लग्न बंधनात अडकणार आहे.
View this post on Instagram
होणारा नवरा कोण?
दरम्यान रेवती लेलेने आपल्या इंस्टाग्राम अकाउंटवर अंगठीचा फोटो शेअर करत आपलं नातं जगजाहीर केलेलं. होणारा नवरा कोण आहे अजून रेवतीने जाहीर केलेलं नाही . काही दिवसांपूर्वी अनेक मराठी कलाकारांनी रेवतीसाठी खास केळवण आयोजित केलं होतं. यावेळी सुकन्या मोने नंदिनी वैद्य आणि गिरीजा प्रभू ही उपस्थित होत्या. काही दिवसांपूर्वी रेवतीने शेअर केलेल्या फोटोंमध्ये तिच्या हातात फुलांचा सुंदर बुके आणि बोटात चमकणारी अंगठी दिसली. एका फोटोमध्ये तिने खास अंगठीवर फोकस ठेवत मागे उभ्या असलेल्या व्यक्तीची हलकीशी झलक दाखवली आहे. “मी होकार देण्याआधीच मनाने होकार दिला होता,” असे शब्द वापरत तिने आपल्या भावना व्यक्त केल्या होत्या.
महत्त्वाच्या बातम्या
